هەواڵ
خەڵاتی زێڕنی بلە پێشكەشی هەشت كەسایەتی دەكرێت
 ئاراسته‌:عه‌بدول نه‌جم

 لە سلێمانی 22 هەمین مەڕاسیمی پێشكەشكردنی خەڵاتی زێڕنی بلە بەڕێوەدەچێت  و خەڵاتەكە دەدرێتە هەشت كەسایەتی شایستە.

 

سەعات 4ی پاش نیوەڕۆی ئەمڕۆ 12-5-2022، لە هۆڵی مستەفا پاشای یاموڵكی لە تەلاری هونەر 22 هەمین مەڕاسیمی پێشكەشكردنی خەڵاتی زێڕنی بلە بەڕێوەدەچێت كەژمارەیەك لە كەسایەتییە ناودارەكان لە هەر چوار پارچەی كوردستانەوە بەشداریی تێدا دەكەن و خەڵاتەكە دەدرێتە هەشت كەسایەتی كە خەڵاتێكی ساڵانەیەوە لەلایەن رێكخراوی ئیبراهیم ئەحمەد فاوندەیشنەوە دابیندەكرێت.

ئیبراهیم ئەحمەد، نووسەر، روناكبیر و سیاسەتمەدار لە ساڵی 1914 لە سلێمانی لەدایك بووە و لە ساڵی 1937 كۆلێژی یاسای لە بەغدا تەواو كردووە، خاوەنی چەندین چاپكراو و بڵاوكراوە و چالاكی سیاسییە.

ئیبراهیم ئەحمەد لە 8ی نیسانی ساڵی 2000 لە لەندەن كۆچی دواییكرد و و ساڵانە لەو رێكەوتەدا خەڵاتی زێڕنی بلە دابەشدەكرێت بەڵام ئەمساڵ بەهۆی مانگی پیرۆزی رەمەزانەوە دابەشكردنی خەڵاتەكە دواخرا.

 

63 جار خوێندراوه‌ته‌وه‌
5/12/2022 11:45:01 AM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ