هەواڵ
دەوام لە قوتابخانەكانی هه‌رێم ڕاده‌گیرێت
 ئاراسته‌:عه‌بدول نه‌جم

كۆمسیۆنی باڵای سەربەخۆی هەڵبژاردنەكان لە هەرێمی كوردستان بۆ ڕۆژى هه‌ڵبژاردنى په‌رله‌مانى عێراق، پێویستیان بە قوتابخانەكانە و دوو ڕۆژ دەوام لە قوتابخانەكاندا ڕاده‌گیرێت.

 

له‌لێدوانێكی ڕۆژنامه‌وانیدا ، ئامانج عەزیز  بەڕێوەبەری ئۆفیسی هەڵبژاردنەكانی سلێمانی، له‌لێدوانێكی ڕۆژنامه‌وانیدا ڕاگەیاندوه‌: "بۆ ئامادەكاریی ڕۆژی هەڵبژاردنى په‌رله‌مانى عێراق، ئێمە چەند ڕۆژێك پێویستمان بە قوتابخانەكان هەیە، بۆیە لەگەڵ وەزارەتی پەروەردە لە هەرێمی كوردستان هەماهەنگیمان كردووه‌ بۆ ئەوەی قوتابخانەكان وەربگرین".

 ڕاشیگه‌یاندوه‌: "لە 6/10/2021ه‌وە دەست بە گواستنەوەی كەره‌ستەكانی هەلّبژاردن بۆ بنكەكانی دەنگدان دەكرێت، بەڵام ئێمە سێ ڕۆژ پێویستمان بە قوتابخانەكان هەیە، كه‌ ڕۆژانى 8 و 9 و 10ى مانگه‌، ڕۆژێك هەینییە و خۆى پشووە، كەواتە دوو ڕۆژ لە قوتابخانەكان دەوام ناكرێت و ڕۆژی 11ی مانگ پێویستیان بە قوتابخانەكان نابێت".

پێشتریش د. ئالان حەمە سەعید، وەزیری‌ پەروەردەی‌ حکوومەتی‌ هەرێمی‌ کوردستان لە پرێس كۆنفرانسێكدا ڕایگەیاندبوو "دوو ڕۆژ بەر لە دەستپێکردنی‌ هەڵبژاردن قوتابخانە و ناوەندەکانی‌ خوێندن ڕادەستی‌ کۆمسیۆن دەکرێن، ڕۆژێک لە دوای‌ هەڵبژاردنیش خۆمان ڕێک دەخەینەوە، پاشان دەست بە خوێندن دەکرێتەوە".

1314 جار خوێندراوه‌ته‌وه‌
9/28/2021 3:43:09 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ