هەواڵ
بەوێنە: لە کەرنەڤاڵێکی جەماوەری بەرفراواندا کاندیدانی هاوپەیمانی کوردستان ناسێنران
 ئاڕاستە : هەردی حەسەن


ئەمڕۆ سێ شەممە 14 ی ئەیلولی 2021 ، لە شاری ڕانیە لە کەرنەڤاڵێکی جەماوەری دا و بە ئامادەبوونی هەڤاڵ قوباد تاڵەبانی ، سەرۆکی لستی هاوپەیمانی کوردستان و ژمارەیەکی بەرچاو لە ئەندامانی سەرکردایەتی و مەکتەبی سیاسی یەکێتی و ئەندامانی جڤاتی بزوتنەوەی گۆڕان و ژمارەیەکی بەرچاو دانیشتوانی دەڤەری ڕاپەڕین و دوکان کاندیدانی لیستی هاوپەیمانی کوردستان لە بازنەی 4 ناسێنران .

لەو کەرنەڤاڵە جەماوەریە بەرفراوانەدا کاندیدانی هاوپەیمانی کوردستان لە بازنەی چوار لە سنوری ئیدارەی ڕاپەڕین و قەزای دوکان و دەڤەری مەرگە ناسێنران و بەڵێنیان دا دڵسۆزانە بە خزمەت بکەن داکۆکاری داوای ڕەوای خەڵکی کوردستان بن .

هەر کەرنەڤاڵە دا ، هەڤاڵ قوباد تاڵەبانی ، وتارێکی پێشکەش کرد سەرەڕای خستنەڕووی گرنگی هەڵبژاردن و گرنگی یەک دەنگی و یەک هەڵوێستی و هاوپەیمانی نێوان یەکێتی و گۆڕان ئاماژەی بەوەدا کە ئەم هاوپەیمانیە هاوپەیمانی خۆتان و هاوپەیمانی ( سەرۆک مام جەلال و کاک نەوشیروان)ـە ئەم هاوپەیمانیە سەربخەن .

هەروەها لە بەشێکی تری وتارەکەیدا ئاماژەی بەوەدا " هاوپەیمانی کوردستان و بەرگری لەماف و بوودجە و موچەی خەڵک دەکاتوەک چۆن لە ڕابردوودا سەرکەوتوانە ئەوە بەدی هات .وە جەختی لەوەشکردەوە کە پێویستە لەبواری خزمەتگوزاری و پڕۆژەی جۆراوجۆرەوە خزمەتی زیاتر بەم دەڤەرە تەواوی کوردستان و بکرێت وە لە ڕابردووشدا بەدەیان پڕۆژەی جۆراوجۆر ئەنجام دراون و پڕۆژە خزمەتگوزاریەکان بەردەوامیش دەبن ".

سەرۆکی لیستی هاوپەیمانی کوردستان ڕاشیگەیاند "لە پێناو گەڕاندنەوەی هێز و هاوەسەنگی دەنگ بدەن بە هاوپەیمانی کوردستان ، وە دەنگدان بە لایەنە بچوكەكان دەنگدانە بە ڕكابەری هاوپەیمانی كوردستان كە پارتی یە".

پاڵپشتی بەرفراوانی هاوڵاتیانی کوردستان لە لستی هاوپەیمانی کوردستان و کاندیدە بە ئەزموونەکانی و بەرنامەی کاری هاوپەیمانیەکە پەیامێکە بۆ سەرکەوتنی ئەو لیستە .

85 جار خوێندراوه‌ته‌وه‌
9/14/2021 9:33:46 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ