هەواڵ
به‌له‌مێكی كۆچبه‌ران ژێر ئاو كه‌وت
 ئاڕاستە

به‌ره‌به‌یانی دوینێ هه‌ینی به‌له‌مێكی كۆچبه‌ران كه‌ 13 سه‌رنشینی هه‌ڵگرتبوو ژیرئاو كه‌وت له‌ نزیک دورگەی لیسبۆسی یۆنان .

 به‌ پێی زانیاریه‌ سه‌ره‌تاییه‌كان له‌ لایه‌ن هیزی ده‌ریای وڵاتی یۆنان 10 له‌و سه‌رنشینانه‌ ڕزگاركراون به‌ڵام، تا ئێستا 3 له‌ سه‌رنشینه‌كان بێسه‌روشوینن.

سەرۆکی دەزگای لوتکەی بۆ کاروباری ئاوارە و پەنابەران ئەوەی خستەڕوو، "بەلەمەکە پلاستیکی بووەو ئاژانسی سنوری ئەوروپا، ھەلیکۆپتەرێک، دو فرۆکە و کەشتییەکیش بەشدارییان کردووە لە گەڕان بەدوای بێسەروشوێن بوەکاندا و ھێزی دەریای تورکیاش لە رووداوەکە ئاگادارکراوەتەوە. بەوتەی رزگاربوەکانیش ، بەلەمەکەیان 13 کەسی تێدا بوە بەڵام تا ئێستا رەگەزنامەکانیان ئاشکرا نەکراوە".

هاوكات 23 ئه‌م مانگه‌ش به‌له‌مێك به‌ 45 سه‌رنشینه‌وه‌ له‌ ڕێگای یۆنان نقومبوو كه‌ زۆربه‌یان دانیشتوی هه‌رێمی كوردوستان بوون تا ئێستاش چاره‌نوسی هه‌ندێكیان به‌ نادیاری ماوه‌ته‌وه‌ .

205 جار خوێندراوه‌ته‌وه‌
7/31/2021 12:20:07 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ