هەواڵ
گەنجێک گیانی لەدەستداو تۆمەتبارێک خۆی ڕادەستی پۆلیس کرد
 ئاڕاستە : هەردی حەسەن

درەنگانێکی شەوی ڕابردوو لە ڕووداوێکی هاتوچۆدا لە ناوشاری ڕانیە گەنجێکی تەمەن 35 ساڵ گیانی لەدەستدا و داوای ماوەیەکی کەم لە ڕووداوەکە  شوفێری ئۆتۆمبێلەکە خۆی ڕادەستی هێزەکانی پۆلیس کرد .

شۆڕش ئیسماعیل، وتەبێژی بەڕێوەبەرایەتی پۆلیسی ڕاپەڕین ، بە ئاڕاستەی ڕاگەیاند " شەوی ڕابردوو ڪاتژمێر 12ی شەو تەرمی ڪەسێك گەیەندرایە پزیشڪی دادوەری ڕانیە بەناوی (ش، ا، م) لە ڕەگەزی نێر لەدایڪبووی ساڵی 1986 دانیشتووی ڕانیەـ گەڕەڪی قولە ڪە ئۆتۆمبیلێك لە جۆری مارسیدس شۆفێرەڪەی بەناوی (ڕ، خ، ڕ) لە دایڪبووی ساڵی ۱۹۹٦ لە ڕەگەزی نێر دانیشتووی ڕانیەـ گەڕەکی نەورۆز لە سەر ڕێگای سەرەڪی ڕانیە ـ گەڕەکی ڕزگاری شێلاویەتی و بەهۆیەوە گیانی لەدەستداوە  " .

ناوبراو وتیشی "  دوای ئەنجامدانی پشڪنینی توێڪاری لە پزیشڪی دادوەری ڕانیە تەرمی ئەو گەنجە ڕادەستی ڪەس وڪاری ڪرایەوە " .

وتەبێژی پۆلیس ئاماژەی بەوەشدا "
دوای ڕووداوەڪەش شۆفێری تۆمەتبار خۆی ڕادەستی هێزەڪانمان ڪرد لە بنڪەی پۆلیسی ڕانیە ، وە پەڕاوی لێڪۆڵینەوە بۆ ڕوودوەڪە ڪراوەتەو بەڕێز دادوەر بڕیاریدا بە ڕاگرتنی شۆفێری ئۆتۆمبیلەڪە بەپێی مادەی ( 24 ) لە یاسای هاتوچۆ لێڪۆڵینەوە لە ڕوودوەڪەبەردەوامە " .
846 جار خوێندراوه‌ته‌وه‌
7/26/2021 3:23:10 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ