هەواڵ
واده‌ی ده‌ستپێكردنه‌وه‌ی خوێندنی ساڵی تازه‌ ڕاگه‌یه‌ندرا
 ئاڕاسته‌:چاوان حسام
وه‌زیری په‌روه‌رده‌ی هه‌رێم واده‌ی كردنه‌وه‌ی خوێندنی ساڵی نوێی ڕاگه‌یاندو ده‌ڵێت:ده‌بێت ماوه‌یه‌ك دابنرێت بۆ قه‌ره‌بووكردنه‌وه‌ی خوێندنی فه‌وتاوی ئه‌مساڵ و ساڵی ڕابردوو.
  

ئالان حەمە سەعید لە کۆنگرەیەکی ڕۆژنامەوانیدا  ئاشکرای کرد: هەر پێشخستنێکی پرۆسەی خوێندنی پێویستی بە ڕەزامەندی ئەنجومەنی وەزیرانی هەیە، "ئێمە پێشنیازمان کردووە زووتر دەوامی خوێندنگاکان دەستپێ بکات بەگوێرەی قۆناغبەندی، بۆئەوەی‌ ماوەیەک دابنرێت بۆ قەرەبووکردنەوەی‌ قوتابیان و خوێندکاران."  

ده‌شڵێت: "پێشنیارمان کردووە لە یەکی ئەیلول دەرگای قوتابخانەکان بکرێنەوە بۆ قۆناغی یەک تا شەش، پاشان لە 11ی ئەیلولی بۆ قۆناغی حەوت تا نۆ، پاشان لە 16ی نۆ بۆ قۆناغی 10 تاوەکو 12"، وەزیری پەروەردەی هەرێم وای وت.  

جەختی کردەوە: "دەمانەوێت ساڵێکی ئاسایی دەستپێ بکەین و مەبەستمانە کە قەرەبووی خوێندکاران و قوتابیان بکەینەوە."
1172 جار خوێندراوه‌ته‌وه‌
7/3/2021 11:57:28 AM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ