هەواڵ
ملیۆنان ماسی مەترسیی لەناوچوونیان لەسەرە
 ئاڕاسته‌:به‌هار ئه‌حمه‌د

بەرپرسێکی وەزارەتی کشتوکاڵی هەرێمی کوردستان رایگەیاند ، بەهۆی وشکەساڵی و گرتنەوەی ئاوی رووبارەکان و سەرچاوە ئاوییەکانی هەرێمی کوردستان لەلایەن وڵاتانی دراوسێوە، ملیۆنان ماسی هەڕەشەی لەناوچوونیان لەسەرە.


سیروان سەعید بەڕێوەبەری سامانی ماسی لە وەزارەتی کشتوکاڵ و سەرچاوەکانی ئاوی حکومەتی هەرێمی کوردستان رایگەیاند؛ " بەهۆی کاریگەرییەکانی وشکەساڵی و کەمبوونەوەی ئاو و گرتنەوەی ئاوی رووبارەکان لەلایەن وڵاتانی دراوسێوە، ئاستی ئاوی رووبار و بەنداوەکان بەشێوەیەکی زۆر دابەزیووە ، بەتایبەت رووباری سیروان کە لە ئێرانەوە سەرچاوە دەگرێ، ئەمەش کاریگەری هەیە لەسەر لەناوچوونی ژمارەیەکی زۆری ماسی لە هەرێمی کوردستان."

وتیشی؛" تا پلەکانی گەرما زیاتر بەرزبنەوە، کاریگەرییەکانی وشکەساڵی و دابەزینی ئاستی ئاوی رووبارەکان و بەنداوەکان زیاتر دەردەکەون لەسەر ماسییەکان، چونکە ساڵانە بەهۆی لەکاتی بەرزبوونەوەی پلەکانی گەرما رێژەی ئۆکسجین کەم دەبێتەوە ئەمەش کاریگەری خراپی لەسەر ژیانی ماسی هەیە."

 ئاشكرایكر؛ "ساڵانە ژمارەیەکی زۆر ماسی لەناو دەچن، بەڵام ئەمساڵ بەهۆی کەمی ئاو و بەرزبوونەوەی پلەکانی گەرمییەوە، پێشبینی دەکرێ ئەو ژمارەیە زیاتر بێت و بە ملیۆنان ماسی لە هەرێمی کوردستان لە ناوبچن.
186 جار خوێندراوه‌ته‌وه‌
6/10/2021 10:06:09 AM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ