هەواڵ
پۆلیس دوو تۆمەتباری بەدراوی ساختەوە دەستگیرکرد
 ئاڕاستە : هەردی حەسەن

لە ڕاگەیەنراوێکدا کە بڵاوی کردۆتەوە بەڕێوەبەرایەتی پۆلیسی سلێمانی ڕایگەیاندووە " مەفرەزەكانی بەشی پۆلیسی پێنجوێن دوو تۆمەتباریان دە ستگیركرد كە دراوی ساختەیان پێبووەو ویستویانە ساغی بكەنەوە.
دوای ئەوەی زانیاری گەیشتە مەفرەزەكانی بەشی پۆلیسی پێنجوێن كە تۆمەتبارێك لەناو بازاڕی قەزای پێنجوێن دراوی ساختەی پێیەو بەنیازە ساغی بكاتەوەو مامەڵەی پێوە بکات، پۆلیسی پێنجوێن لێكۆڵینەوەكانی دەستپێكردوو دوای وەرگرتنی بریاری بەڕێز دادوەر، توانرا تۆمەتبار (ك، ح، ف) تەمەن 20 ساڵ دەستگیربكرێت و دەستیش بگیرێت بەسەر بڕێك دراوی ساختەی عێراقی و دۆلار کە بەتۆمەتبار بووە" .

هەروەها ئاماژە بەوەشکراوە " لەئێستادا تۆمەتبار بەبڕیاری بەڕێز دادوەر ڕاگیراوەو دانی ناوە بەتاوانەكەیداو لێكۆڵینەوە لەگەڵیدا بەردەوامە ، لەسەر هەمان دۆسیەو بەبڕیاری بەڕێز دادوەر، تۆمەتبارێكی دیکە بەناوی (ك، ل، ر) دەستگیركراوەو لێكۆڵینەوەكان بەردەوامن" .

104 جار خوێندراوه‌ته‌وه‌
5/9/2021 10:58:00 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ