هەواڵ
بەهۆی شەڕەتەقەوە پۆلیس 7 کەسی لەدانیشتوانی ئەم گوندە دەستگیرکرد
 ئاڕاستە : هەردی حەسەن

دوانیوەڕۆی ئەمڕۆ یەک شەممە لەسەر کێشەی زەوی و زار لە گوندێکی سنوری ناحیەی سەرکەپکان لە قەزای ڕانیە شەڕەتەقە لە نێوان دوو بنەماڵەدا ڕوویدا ، لە ئەنجام دا چەند کەسێک بریندار بوون .

شۆڕش ئیسماعیل ، وتەبێژی بەڕێوەبەرایەتی پۆلیسی ڕاپەڕین بە ئاڕاستەی ڕاگەیاند " ئەمڕۆ ڪاتژمێر (١:٣٠ )ی دوانیوەڕۆ شەڕێك لە نێوان دووبنەماڵەدا لە گوندی گێرەی سەر بە ناحیەی سەرڪەپڪان لە سنوری  قەزای ڕانیە ڕوویدا و  دەست بەجێ هێزەڪانمان لە بنڪەی پۆلیسی سەرڪەپڪان بەهاوڪاری هێزەڪانی پۆلیسی فریاڪەوتنی ڕانیە و هێزەڪانی ئاسایشی ڕاپەڕین گەیشتنە شوێنی ڕووداوەڪەو دوای ڪاتژمێرێك لەشەڕەڪە ڕووداوەڪە ڪۆنتڕۆڵ ڪرا ".

ناوبراو وتیشی " لە شەڕەڪەدا چەك بەڪارهاتووەو برینداری لێڪەوتۆتەوە بەڵام برینی بریندارەڪان بە هۆی بەرڪەوتنی بەرد و دارەوە بووە بریندارەڪان لەژێر چاودێری پزیشڪیدان و لە ئێستادا ( ۷ ) ڪەس لە ڕووداواڪەدا دەستگیرڪراون ڪە سێ ڪەسیان لە لایەنێڪن و چواریشیان لە لایەنەڪەی ترن " .

وتەبێژی پۆلیس ئاماژەی بەوەشکرد " بەگوێری لێکۆڵینەوە سەرەتاییەڪان هۆڪاری شەڕی ئەم دوو لایەنە لە سەر ڪێشەی نێوانی زەوی و زار بووە لە ڪاتێڪیشدا هەردوو لایەن پەیوەندی خزمایەتیان هەیە ، لە ئێستادا مەلەفی لێڪۆڵینەوە بۆ ڕووداوەڪە ڪراوەتەوە و سەرجەم دەستگیرڪراوانی هەردوو لایەنەڪە بە پێی مادەی ٤۱۳ لەیاسای سزادانی عێراقی ڕاگیراون و لێڪۆڵینەوە لە ڕووداوەڪە بەردەوام ".
328 جار خوێندراوه‌ته‌وه‌
5/9/2021 10:48:26 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ