هەواڵ
پۆلیسی پارێزگای سلێمانی تۆمەتبارێك دەستگیرده‌كات
 ئاڕاستە : هەردی حەسەن



مەفرەزەكانی بەشی پۆلیسی سەید سادق لەسەر دۆسیەی كۆشتی كەسێك و برینداركردنی دوو كەسی دیكە  تۆمەتبارێكیان دەستگیركرد.


شەوی ڕابردوو مەفرەزەكانی بەشی پۆلیسی سەید سادق ئاگاداركرایەوە لە بونی ڕوداوێكی تەقەكردن لەگوندی دەرەتەك-ی سەربەناحیەی بەرزنجە لە سنوری قەزای سەید سادق ، دەستبەجێ‌ مەفرەزەكانی پۆلیسی سەید سادق و تیمەكانی بەشی پۆلیسی بەڵگەی تاوان گەیشتنە شوینی ڕوداوەكەو زانرا دەستڕێژی گولە لە ئۆتۆمبێلێك كراوە كە سێ‌ سەرنشینی تێدا بووەو بە هۆیە یەكێك لەسەرنشینەكان بە ناوی ( أ ، ت ، م )لەدایكبوی 2001 گیانی لەدەستداوەو دوو سەرنشینەكەی تر بریندار بوون .

پۆلیسی سەید سادق لێكۆڵینەوەكانی دەستپێكردوو توانرا لەماوەیەكی كەمدا تۆمەتبارێك بەناوی (س ، م ، م )لەدایكبوی 1986 دەستگیربكرێت و دەستیش بگیرێت بەسەر چەكێكی جۆری كڵاشینكۆفدا كە بەتۆمەتبار بووە .

لەئێستادا تۆمەتبار بەبڕیاری  بەڕێز دادوەر ڕاگیراوەو لێكۆڵینەوە لە دۆسیەكەدا بەردەوامە و هەركەسێك لەم دۆسیەیە تێوەگلابێت دەستگیردەكرێت و ڕوبەڕوی یاسادەكرێتەوە .

96 جار خوێندراوه‌ته‌وه‌
5/5/2021 1:40:05 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ