هەواڵ
پەرلەمانتارێکی فراکسیۆنی سەوز: ئەم ناحەقیە ڕابگرن و کۆتایی بەم گیرفان بڕینە بھێنن
 ئاڕاستە : هەردی حەسەن



سەرکۆ ئازاد گەڵاڵی، ئەندامی لیژنەی دارایی لە فراکسیۆنی سەوز لە پەرلەمانی کوردستان داوادەکات کە حکومەت کۆتایی بە لێبڕینی مووچە بهێنێت بەپێ زانیاریەکانی ناوبراو ئەو داهاتەی لەبەر دەستی حکومەت دایە بەشی تەواوی مووچە دەکات  بەبێ لێبڕین .

 وەک خۆی دەڵێت " ئەم ناحەقیە ڕابگرن و کۆتایی بەم گیرفان بڕینە بھێنن ، بەو ئامارانە بن كە وەزارەتی سامانە سروشتیەكان خۆی بڵاوی دەكاتەوە ، کە  ( ٤٣٠ ) ھەزار بەرمیل نەوت ڕۆژانە دەفرۆشرێیت لە ڕێگایی تورکیاوە حكومەتی هەرێم مانگانە بایی زیاتر لە( ٦٧٠) ملیۆن دۆلار  واتا (٩٩١)ملیار دینار نەوتی فرۆشتووە، كۆی موچەی موچەخۆرانی هەرێمیش بە بێ لێبڕین ( ٨٩٥ ) ملیار دینارە.

هەروەها دەشڵێت " باسی ئەوەش ناكەم داهاتی ناوخۆ مانگانە سەرو ( ٣٥٠ ) ملیار دینارە جگە لە پارەی هاوپەیمانان كە( ٢٧ )ملیار دینارە، هەروەها داهاتی ئەو نەوتەی بە كۆمپانیا ناوخۆیەكان دەفرۆشرێت نزیكەی ( ٤٤  )ملیار دینارە ، وە
باسی ئەوەش ناکەم مانگانە نزیکەی (١٠٠) ھەزار بەرمیل نەوت بەتەنکەر ئەفرۆشن لەڕێی تورکیاوە ئەو نەوتە قورسەی ناکرێتە بۆری ،ئەم ژمارانە پێمان دەڵێن كۆی گشتی داهاتی مانگانەی هەرێم لە زاری خۆیانەوە یەك تریلۆن و چوارسەدو دوانزەملیار دینارە، كۆی گشتی مووچە بێ لێبڕین ( ٨٩٥ ) ملیار دینارە بێ جێبەجێکردنی یاسای چاکسازی!!، بەڕاست خێرە لێبڕینی مووچە بەردەوامە" .
 ئەو پەرلەمانتارە دەشڵێت "  خوا بەرداری نیە حكومەت بەردەوامی بدات بە لێبڕینی موچە و دەست ببات بۆ قوتی فەرمانبەران لە كاتێكدا دەتوانێت هەموو مانگێك بە زیادەوە موچە دابەش بكات نەك لێیان ببڕێت ، خۆ ئەگەر بیانوی حكومەت ئەوەیە مانگانە پارەی حەقدەستی كۆمپانیاكان و کرێ بۆری نەوت و قەرزی توركیا   (٥٤٦) ملیار دیناردەبات کە گومانی زۆر لەم خەرجی نەوتەشدا ھەیە !! چەند ساڵە دەڵاڵەکانی نەوت و کۆمپانیا زەبەلاحەکانی بواری نەوتی نزیک لەو حیزبەی دەستی گرتوە بەسەر مەلەفی نەوتی بوون بە مۆرانە بەسەر قوتی خەڵکی کوردستانەوە .
كۆی گشتی داهاتی نەوتی و نانەوتی و ھاوکاری ھاوپەیمانان بریتیە یەك تریلۆن و چوارسەدو دوانزە ملیارە  ئەگەر پارەی حەقدەستی كۆمپانیاكان و کرێ بۆری و قەرزی توركیا ٥٤٦ ملیار دینار دەربکەین 
ئەوەی دەمێنێتەوە٨٦٦ ملیار دینارە بۆ مووچەی موچە خۆران  خەرج بکەن لەسەدا (٢)دووی مووچە كەم دەهێنێت نەك لەسەدا ٢١ " .

سەرکۆ ئازاد ، هۆشداریش دەدات بە حکومەت  ئاماژەی بەوەشداوە کە " ئەو لێبڕینە زۆرو زەوەندا ناحەقیەكی گەورەیەو دەرحەق بەو خەڵكە ڕەش و ڕووتە دەكرێت، بۆیە ئیتر بەسە كاتی ئەوەیە لێبڕینی مووچە كۆتای بێت، ئەگەر كۆتایی نەیەت دڵنیابن لەمەو دوا هەڵوێستی جدیمان دەبێت و ئەم ناحەقیە قبول ناكەین" .
94 جار خوێندراوه‌ته‌وه‌
5/3/2021 10:45:31 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ