هەواڵ
شاناز ئیبراهیم ئەحمەد کەس و کاری راگیراوانی بادینان بەسەردەکاتەوە
 ئاڕاستە : هەردی حەسەن


ئەمڕۆ سێ شەممە 23 ی شوباتی 2021 ، لە شاری دهۆک، خاتوو شاناز ئیبراهیم ئەحمەد کارگێڕی مەکتەبی سیاسی یەکێتی نیشتمانیی کوردستان بە ئامادەبوونی هەڤاڵان ئاراس جانگیر محەمەد ئاغا ئەندامی سەرکردایەتی و لێپرسراوی مەڵبەندی رێکخستنی دهۆک و ئیمان ئامێدی ئەندامی سەرکردایەتی و وەفدێکی مەڵبەند ، کەس وکار و خانەوادەی ڕاگیراوانی بادینانی بەسەرکردوە .

لەو سەردانەی دا ، خاتوو شاناز ئیبراهیم ئەحمەد  ، چاویکەوت بەمنداڵ و خانەوادەی  لە راگیراوانی سنوری بادینان کە لە دۆخێکی تەمومژاویدا بە (6)شەش ساڵ زیندانی کردن حکومدران، پەرۆشیی و خەمخۆری یەکێتی بۆ دووپاتکردنەوە.

هەر لەو دیدارانەدا، کارگێڕی مەکتەبی سیاسی یەکێتیی نیشتمانیی کوردستان، دوای گوێگرتن لە منداڵ و خانەوادەی راگیراوەکان لە باسکردنی چۆنیەتی دەستگیرکردنی باوک و کوڕەکانیان و چاوەڕوانی چەند مانگەیان، بەچاوی پڕ فرمێسکەوە نیگەرانی خۆی بۆ شێوازی مامەڵەی ئەو لایەنانە نیشاندا، هاوکات  جەختی لە هەڵوێست و پشتیوانی یەکێتیی نیشتمانیی کوردستان کردوە و باسیلەوەشکرد کەکێشەی ڕاگیراوانی بادینان بۆتە خەمی هەمووان، تەنانەت لە ئاستی نێودەوڵەتی وەک پرسێکی گرنگ چاودێری دۆخەکە دەکرێت، وتیشی ئومێد دەکەین دادگای تەمیز دادپەروەرانە بەو تۆمەتە دروستکراوانەی کەیسەکانیاندا بچێتەوە.

لای خۆیانەوە، منداڵ و خانەوادەکانیان، سوپاسگوزاری خۆیان دەربڕی بۆ پشتیوانی و بەدەنگەوەهاتنی یەکێتیی نیشتمانیی کوردستان و بەسەرکردنەوەکەی  شاناز ئیبراهیم ئەحمەد کرد.

309 جار خوێندراوه‌ته‌وه‌
2/23/2021 2:12:51 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ