هەواڵ
لاهور شێخ جەنگی پێشوازیکرد لەعەدنان دەرجال
 ئاڕاستە


ئەمرۆ ، پێنج شەممە ، ٢٦ ی ١١ ی ٢٠٢٠ ، لاهور شێخ جەنگی ، هاوسەرۆکی یەکێتیی نیشتیمانیی کوردستان  ، لە شاری سلێمانی پێشیوازیکرد لە عەدنان دەرجال وەزیری لاوان و وەرزشی عێراق  و وەفدێکی هاورێی.

لە دیدارێکدا کە حەمەی حەمە سەعید ، وەزیری رۆشنبیریی لاوانی حکومەتی هەرێم ئامادەیبوو ، گفتوگۆکرا لەبارەی گرنگی هەمئاهەنگی نیوان هەرێم و بەغدا لە بواری وەرزش.

لە دیدارەکەدا لاهور شێخ جەنگی بە ووردی  باسی لە رەوشی وەرزشکرد لە هەرێمی کوردستاندا و پشتیوانی تەواوی خۆشی دووپاتکردەوە بۆ هەر پرۆسەیەکی چاکسازیی و پێشخستن و گۆڕانکاریی وەرزشی کە لە عێراق و هەرێمی کوردستاندا ئەنجام بدرێت.
ئاماژەی بۆ ئەوەشکرد کە سلێمانی شارێکی پر ووزە و جوڵەیە و  جیاوازە لە چاوشارەکانیتر لە بواری وەرزشدا بەپێی ئەو گرنگییەی کە پێی دراوە.

وتیشیی وەک یەکێتیی نیشتیمانیی کوردستان هەوڵمانداوە لە  بەپێی توانا هاوکاری وەرزش و وەرزشکاران بکەین لە هەرێمی کوردستان و لەو چوارچێوەیەشدا یاریگایەکی نێودەوڵەتیمان پێشکەش بە شاری سلێمانی کرد.

داواشی لە وەزیری لاوان و وەرزشی عێراقکرد کە هاوکاربێت  و گرنگی بدات بە وەرزش لە هەرێمی کوردستاندا ، هەوڵبدرێت بەشێک لە خول و چالاکییە وەرزشییەکان بگوازرێتەوە بۆ هەرێمی کوردستان ،  رێگەش نەدرێت وەرزش تێکەڵ بە ململانێی سیاسی بکرێت.

وەزیری لاوان و وەرزشی عێراق-یش سوپاسی لاهور شێخ جەنگی کرد بۆ ئەو پێشوازییە گەرمە و  ئەو ڕوانین و سەرنجانەی کە هەیەتی بۆ پێشخستنی وەرزش لە هەرێمی کوردستان و عێراقدا.
هاوکات ستایشی رۆڵی حەکیمانەی لاهور شێخ جەنگی کرد بۆ پتەوکردنی پەیوەندییەکانی نێوان هەرێم و بەغدا و  چارەسەرکردنی کێشەکانی نیوان هەردوولا.

خۆشحاڵی خۆی دەربڕی بۆ دروستکردنی یاریگایەکی نێودەوڵەتی لە سلێمانی و وتیشی سبەینێ سەردانی ئەو پرۆژە گرنگە دەکات. 

راشیگەیاند وەک وەزیری لاوان و وەرزشی عێراق بە یەکچاو دەڕوانمە هەموو پارێزگاکانی عێراق  ، دەمانەوێت کاری هاوبەش ئەنجام بدەین لە بواری وەرزش و هەوڵبدەین کەرتی تایبەت بەشدار پێبکەین لە وەبەرهێنانی کەرتی وەرزشی لە هەمووعێراقدا.
146 جار خوێندراوه‌ته‌وه‌
11/26/2020 5:10:36 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ