هەواڵ
بایكۆتی‌ مامۆستایان به‌رده‌وامه‌
 ئاڕاسته‌:چاوان حسام
 یەكێتی مامۆستایان: بەهۆی جێبەجێ نەكردنی داواكارییەكانیان، بایكۆتی مامۆستایانی پارێزگاكانی سلێمانی و هەڵەبجە بەردەوام دەبێت.

عبدالخالق ماوەتی كارگێڕی لقی سلێمانی یەكێتی مامۆستایانی كوردستان له‌ لێدوانێكدا ڕایگەیاند: لەگەڵ ئەوەی پەروەردەی سلێمانی لەسەر داوای وەزیری پەروەردە، داوای لە بەڕێوەبەری قوتابخانەكان كردووە دەست بەدەوامكردن بكەنەوەو مامۆستایان بگەڕێنەوە ناوەندەكانی خوێندن، بەڵام ئێمە وەك لقی سلێمانی یەكێتی مامۆستایانی كوردستان سورین لەسەر بایكۆت تاوەكو ئەو كاتەی وەڵامی داواكاریەكانمان دەدرێتەوە.

ووتیشی: ئێمە وەك لقی سلێمانی یەكێتی مامۆستایانی كوردستان داوامان لە وەزارەتی پەروەدەو ئەنجومەنی وەزیرانی هەرێمی كوردستان كردووە موچەی تەواو و لەكاتی خۆیدا دابەش بكات و پلەبەرزكردنەوەی مامۆستایان دەستپێبكاتەوە.

ئاماژەی بەوەشكرد: بەهۆی ئەوەی تاوەكو ئێستا وەزارەتی پەروەدەو ئەنجومەنی وەزیرانی هەرێمی كوردستان داواكارییەكانی مامۆستایانی جێبەجێ نەكردووە، دەرگای قوتابخانەكان لە سنوری پارێزگای سلێمانی و هەڵەبجە نەكراونەتەوە.

ئەمە لە كاتێكدایە، ئەمڕۆ شەممە 24-10-2020، بەشێك لە مامۆستایان و فەرمانبەرانی گەرمیان دەستیان بەخۆپیشاندان كردو لەسەر دابەشكردنی مووچەی تەواوەتی و لەكاتی خۆیدا هۆشداری دەدەنە ئەنجومەنی وەزیرانی هەرێمی كوردستان.
80 جار خوێندراوه‌ته‌وه‌
10/24/2020 11:34:06 AM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ