هەواڵ
شاڵاو جەمال : سوتاندنی درەختەكان به‌ دەستی‌ ئەنقەسته‌
 ئاڕاسته‌:به‌هار ئه‌حمه‌د




شاڵاو جەمال بەڕێوەبەری گشتیی كشتوكاڵی سلێمانی دەڵێت "پێموایە سوتاندنی درەختەكانی سەر رێگای تاسڵوجە لەشاری سلێمانی دەستێكی بەئەنقەست و مەبەستدارە و خەڵكانێك چاوییان لەسەریەتی بۆ پڕۆژە، بەڵام خەیاڵیان خاوە هەرگیز مۆڵەتیان پێنادەین ئەو زەوییانە بكرێنە پڕۆژە، چونكە هەم ویژدان هەم یاسا-ش لە پشت ئێمەیە".

لەبارەی تۆماركردنی دیمەنی سوتانی دارسنەوبەرەكانی رێگای تاسڵوجە-سلێمانی، شاڵاو جەمال وتی‌: "نازانم كامێرا لەو شوێنانەدا هەیە یا نا، ئەوە كاری بەڕێوەبەرایەتی هاتوچۆ و ئاسایشە، بەڵام ئەگەر نەبێت بۆ دۆزینەوەی ئەنجامدەرانی سوتاندنی ئەو درەختانە جا ئەگەر وابێت مرۆڤ دەتوانێت تاوانی گەورەی كوشتنیش بكات و كەس نەیبینێت".

دەشڵێت: "گەرەنتی نادەم درەخت و سەوزاییەكانی تر لە سلێمانی نەسوتێندرێن، ئەگەر بێتو ئەوانە نەدۆزرێنەوە ئەوا بێگومان سەوزایی تریش هەیە و شوێنی دیكەش هەیە لە مەترسیدان، چونكە هەر لە دوو مانگی پێشودا لە ڕێگەی عەربەت-یش، روبەرێكی گەورە درەخت سوتێنرا، كە ژینگە چاندبونی".
133 جار خوێندراوه‌ته‌وه‌
9/23/2020 10:24:26 AM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ