هەواڵ
رونکردنەوەیەک لە نوسینگەی لێپرسراوی مەڵبەندی (١) ی سلێمانی ەوە
 ئاڕاستە


نوسینگەی تایبەتی  لێپرسراوی مەڵبەندی سلێمانی یەکێتی ڕونکردنەوەیەکی بڵاوکردەوە.
 
وەک لای هەمووان ڕوونە کە سەرکەوتنی کۆنگرەی چوارەم ڕەنگدانەوەی لەسەر دۆخی ناوخۆی یەکێتی و دۆخی سیاسی کوردستان بووە و رۆڵ و هەڵوێستەکانی بووەتە جێی ئومێدی کۆمەڵانی خەڵک، وەلێ نەیارانی یەکێتیی وەک چاوییان بەو هەموو سەرکەوتنانە هەڵناییە کە لە کۆنگرە و دوای کۆنگرەوە بەدەستی هێناوە و بەپیلان و بەرنامەیەکی پلان بۆ داڕێژراو کەوتونەتە دروستکردنی پڕوپاگەندە و هەواڵی بێ بنەما لەسەر یەکێتیی و هاوسەرۆک و سەرکردەکانی بڵاو دەکەنەوە، لەو چوارچێوەیەشدا چاویان بە ئەرک و کار و سەردانە مەیدانییەکانی لێپرسراوی مەڵبەند و ئەنجومەنی مەڵبەند و کۆمیتە و ئۆرگانەکان هەڵنایە و توشی هستریا بوون، وەک پیشەی هەمیشەییان کەتونەتە تۆمەت بەخشینەوە و بەخەیاڵپڵاوی خۆیان کەلێن و درز  لە ریزەکانی یەکێتیدا دروست دەکەن.

خۆشبەختانە جەماوەر و ئەندام و کادیرانی یەکێتی لەوە هۆشیارترن و بەوپەڕی حەماسەوە کاری خۆیان دەکەن و بەهیچ جۆرێک ناکەونە ژێر کاریگەری هەواڵە ناڕاست و  بێ بنەماکانی سیاسیە نەزۆکەکانەوە کە قەیران بەقەیران دەسپێرن و بۆ داپۆشینی شکستەکانی خۆیان ئەم جۆرە پیلانگێڕیانە دەکەن.

لێرەوە پێیان ڕادەگەیەنین یەکێتی خاوەنی کاریزما و سیمبولێکی وەکو مام جەلالە، خاوەنى ڕوربارێک شەهیدە خاوەنی مێژوویەکی پرشنگدارە، خاوەنی جەماوەرێکی بێشومار و لەبن نەهاتووە، هەزاران کادیری هەیە، بە ئیرادەی پۆڵاینەوە ڕووبەڕووی هەموو ئاستەنگ و پێشهاتەکان دەبێتەوە ، لە کۆنگرەی چوارەمدا یەکێتیی خەونی لەرزۆکانەی نەیارانی خستە چاڵ و سەرکەوتنی گەورەی لە هەڵبژاردنی سەرکردایەتیەکی نوێ و دوو گەنجی بەتوانا و کاراماو شایستە و دڵسۆز کە خوێندکاری خوێندنگاکەی مامی گەورەمانە کردە هاوسەرۆکی ئەم حزبە.

سیاسەتی یەکێتیی لە ئێستا و لە ئایندە خزمەتکردنی کۆمەڵانی خەڵکە بە هەموو چین و توێژەکانیەوە، گەڕانەوەی هاوسەنگی سیاسی و حکومرانیەکی شایستەیە بۆ هاوڵاتیان.

نوسینگەی تایبەتی هەڤاڵ جەزای سەید مەجید
لێپرسراوی مەڵبەندی ١ی سلێمانی
482 جار خوێندراوه‌ته‌وه‌
5/26/2020 10:30:25 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ