هەواڵ
مژده‌یه‌ك بۆ هاوڵاتیانى سلێمانى
 ئاڕاسته‌:چاوان حسام
بەڕێوەبەری گشتی تەندروستی سلێمانی لە کۆنفراسێکی رۆژنامەوانیدا زانیاری لەبارەی تووشبوانی ڤایرۆسی کۆرۆنا لە سلێمانی ئاشکرا کرد.

ئه‌مرۆ سێشه‌ممه‌ 3-3-2020، د. سەباح نەسرەدین، بەڕێوەبەری گشتی تەندروستی سلێمانی له‌ كۆنگره‌یه‌كی رۆژنامه‌وانیدا ووتی: دوێنێ کەسێکی دیکە تۆمارکرا کە ئەندامی هەمان خێزان بوون، پێشتر ناویان وەک هەڵگری ڤایرۆسەکە لە سلێمانی تۆمارکرابوو.

د. سه‌باح، ووتیشی: تەندروستی هەموویان زۆر باشە و هیچ نیشانه‌یەکی مەترسیداریان نییە، و هه‌ر بۆیه‌ پێویستیان به‌ چارەسەریش نییه‌ و وەریناگرن.

بەڕێوەبەری گشتی تەندروستی سلێمانی داوا لە هاووڵاتیان دەکات، خۆیان لە شوێنە جەنجاڵ و قەرەباڵغەکان بپارێزن چونکە ڤایرۆسەکە لە کەسێکەوە بۆ کەسێکی تر دەگوازرێتەوە، دەبێت ئەو کەسانەی لە دەرەوەی هەرێمی کوردستان دەگەڕێنەوە بە شێوەیەکی یاسایی بگەڕێنەوە، دەنا خۆیان و خێزانەکانیشیان دووچاری مەترسی دەکەن.
2612 جار خوێندراوه‌ته‌وه‌
3/3/2020 11:24:26 AM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ