هەواڵ
وته‌بێژی حكومه‌ت له‌باره‌ی پشووه‌كان رونكردنه‌وه‌یه‌ك بڵاوده‌كاته‌وه‌
 ئاڕاسته‌:به‌هار ئه‌حمه‌د

وته‌بێژی حكومه‌تی هه‌رێمی کوردستان له‌باره‌ی پشووه‌كان رونكردنه‌وه‌یه‌كی  بڵاوكرده‌وه‌ و رایگەیاند ، وه‌زاره‌تی كارو كاروباری كۆمه‌ڵایه‌تی ده‌سه‌ڵاتی ڕێكخستنه‌وه‌ی ده‌وامی دایه‌نگه‌ و خوێندنگه‌ و په‌یمانگاكانی سه‌ر به‌ وه‌زاره‌تیان پێده‌درێت.

جوتیار عادل وته‌بێژی حكومه‌تی هه‌رێمی کوردستان له‌ رونكردنه‌وه‌یه‌كدا رایگه‌یاند، دوا به‌دوای كۆبونه‌وه‌ی رۆژی سێشه‌ممه‌ی ئه‌نجومه‌نی وه‌زیران، ئه‌نجومه‌ن ژماره‌یه‌ك بڕیاری په‌یوه‌ست به‌ پشوی ناوه‌نده‌كانی خوێندن ده‌ركرد، به‌پێویستمان زانی رونكردنه‌وه‌یه‌ك له‌باره‌ی پشوه‌كانه‌وه‌ بده‌ین.


 

ئاماژەی بەوەشکرد: له‌ سه‌رجه‌م ناوه‌نده‌كانی خوێندن و باخچه‌ و قوتابخانه‌ و په‌یمانگاكانی سه‌ر به‌ وه‌زاره‌تی په‌روه‌رده‌ (حكومی و ناحكومی / ئه‌هلی) له‌ ئه‌مڕۆ چوارشه‌ممه‌وه‌ تا ڕۆژی سێشه‌ممه‌ 10-3-2020 ده‌بێته‌ پشوی فه‌رمی، واته‌ رۆژی سێشه‌ممه‌ ده‌وام له‌و شوێنانه‌ ده‌ستپێده‌كاته‌وه‌.

 

راشیگه‌یاند: له‌ سه‌رجه‌م زانكۆ و په‌یمانگاكانی سه‌ر به‌ وه‌زاره‌تی خوێندنی باڵا و توێژینه‌وه‌ی زانستی (حكومی و تایبه‌ته‌كان) له‌ ڕۆژی شه‌ممه‌ 29ی ئه‌م مانگه‌وه‌ تا ڕۆژی سێشه‌ممه‌ 31ی مانگی داهاتو ده‌بێته‌ پشـوی فه‌رمی و ڕۆژی چوارشه‌ممه‌ 1ی نیسان خوێندن له‌و شوێنانه‌ ده‌ستپێده‌كاته‌وه‌.

باسی لەوەشکرد: هه‌ردوو وه‌زیری په‌روه‌رده‌ و خوێندنی باڵا و توێژینه‌وه‌ی زانستی ده‌سه‌ڵاتی قه‌ره‌بوكردنه‌وه‌ی ئه‌و ڕۆژانه‌یان هه‌یه‌ كه‌ به‌ پشو ئه‌ژماركراون بۆ ساڵی خوێندنی ٢٠١٩ - ٢٠٢٠.

دەقی روونكردنەوەكە

دوابەدوای كۆبوونەوەی رۆژی سێشەممەی ئەنجوومەنی وەزیران، ئەنجوومەن ژمارەیەك بڕیاری پەیوەست بەپشووی ناوەندەكانی خوێندن دەركرد، لەم بارەیەوە بەپێویستمان زانی ئەم رونكردنەوەیە لەبارەی ئەم بابەتەوە بخەینەڕوو.

پشووەكان بەم شێوەی خوارەوە دەبێت:

١. لە سەرجەم ناوەندەکانی خوێندن و باخچە و قوتابخانە و پەیمانگاکانی سەر بە وەزارەتی پەروەردە (حکومی و ناحکومی / ئەهلی) لە ڕۆژی چوارشەممە ڕێکەوتی ٢٠٢٠/٢/٢٦ تاوەکو ڕۆژی سێشەممە ڕێکەوتی ٢٠٢٠/٣/١٠ دەبێتە پشووی فەرمی، و (ڕۆژانی ١١ - ٢٠٢٠/٣/٢٣ پشووی ساڵانەی خوێندنە لە بەهار)، و ڕۆژی سێشەممە ٢٠٢٠/٣/٢٤ خوێندن لەو شوێنانە دەستپێدەکاتەوە.

٢. لە سەرجەم زانکۆ و پەیمانگاکانی سەر بە وەزارەتی خوێندنی باڵا و توێژینەوەی زانستی (حکومی و تایبەتەکان) لە ڕۆژی شەممە ڕێکەوتی ٢٠٢٠/٢/٢٩ تاوەکو ڕۆژی سێشەممە ڕێکەوتـی ٢٠٢٠/٣/٣١ دەبێتە پشـووی فەرمی (کە ڕۆژانی ١١ - ٢٠٢٠/٣/٢٣ لەخۆ دەگرێت وەک پشووی ساڵانەی خوێندن لە بەهار)، و ڕۆژی چوارشەممە ٢٠٢٠/٤/١ خوێندن لەو شوێنانە دەستپێدەکاتەوە.

٣. بەڕێزان هەردوو وەزیری پەروەردە و خوێندنی باڵا و توێژینەوەی زانستی دەسەڵاتی قەرەبووکردنەوەی ئەو ڕۆژانەیان هەیە کە بە پشوو ئەژمارکراون بۆ ساڵی خوێندنی ٢٠١٩ - ٢٠٢٠.

٤. وەزارەتی کار و کاروباری کۆمەڵایەتی دەسەڵاتی ڕێکخستنەوەی دەوامی دایەنگە و خوێندنگە و پەیمانگاکانی سەر بە وەزارەتیان پێ دەدرێت بە ڕەچاوکردنی بڕگەکانی ئەم بڕیارە و مەبەستەکانی دەرچوونی.

د.جوتیار عادل

وتەبێژی حكومەتی هەرێمی كوردستان

٢٠٢٠/٢/٢٦
409 جار خوێندراوه‌ته‌وه‌
2/26/2020 9:48:57 AM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ