هەواڵ
گیان لەدەستدانی پێشمەرگەیەکی یەکێتی کاردانەوەی لێکەوتەوە
 ئاڕاستە : هەردی حەسەن

دوای ئەوەی لە چەند ڕۆژی ڕابردوو لایەن هێزە ئەمنیەکانی پارتی یەوە پێشمەرگەیەی یەکێتی نیشتمانی کوردستان لەماڵەکەی خۆی دەستگیرکرا و دوای دوو ڕۆژ لە گرتوخانە هەواڵی خنکانی بە کەس و کاری ڕاگەیەنرا گیان لەدەستدانی ئەو پێشمەرگەیە بووە جێ ی گومانی خەڵکی کوردستان .

دوای ئەوەی تەرمی مەجید ئیبراهیم لە پزیشكی دادی سلێمانی توێكاری بۆ تەرمی دەرکەوت کە ئاسەواری ئەشکەنجەی زۆر بەجەستەوەیەتی .

  لەسەر ئەم ڕووداوە ،
حاجی مەسیفی ، ئەندامی ئەنجومەنی سەرکردایەتی گشتی یەکێتی ڕایگەیاند " چەند ڕۆژێک لەمەوبەر دەزگاکانی ئاسایشی گشت پارتی دیموکرات بەهاوکاری ئاسایشی سۆران و شقڵاوە   لە کاتژمێر 11:30 خولەکی شەو هەڵدەکونەت سەر ماڵی کاک مەجیدی جوانەمەرگ لەگەڵ میوانێکی دەستگیری دەکەن و دەیبەنە ئاسایشی گشتی دوای دوو ڕۆژ بەکەسو کارەکەیان ڕاگەیاندوە کە ناوبراو خۆی خنکاندووە ئەوە جێ ی گومان و پرسیارە ئێمەیە ئێمە شارەزای یاساکانی ئاسایشین ، ئێمە ئاسایشی گشتی دەخەینە ژێر پرسیارەوە چۆن هێشتیان یان چۆن ئەو ژوورە کەلوپەلی خنکانی لێیە، بۆیە  داوای لە لایەنە پەیوەندیدارەكان دەکەم  لێكۆڵینەوەی ورد و جدی لەسەر ئەو بابەتە بكەن .

لەلایەکی ترەوە دۆست و لایەنگرانی یەکێتی نیشتمانی کوردستان داوای ئەوەدەکەن لەسەر کەیسی ئەو پێشمەرگەیەی یەکێتی ، دەبێت یەکێتی بەدواداچوونی وورد بکات و هەڵویستی ڕوون و ئاشکرای هەبێت .
1496 جار خوێندراوه‌ته‌وه‌
1/17/2020 9:33:34 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ