هەواڵ
چەند رۆژێك لەوادەی دیاری كراوی خۆی دوا دەكەوێت
 ئاڕاستە

 ڕزگار عەلی ڕایدەگەیەنێ،سەرجەم ئەندام و كادیرانی یەكێتی دڵنیادەكەینەوە كە بە كۆنگرەیەكی سەركەوتووە دەچینە ساڵی نوێوە.

ئەمرۆ دوو شەمممە 2/12/2019 سكرتارییەت و ژمارەیەك لە ئەندامانی ئەنجومەنی ناوەندی بەمەبەستی دوپاتكردنەوەی پشتیوانی و دەستخۆشی لە بەرێوەچوونی پرۆسەی بەرێوەچوونی كۆنفرانسی كۆمیتە و مەكتەبەكان و كارەكانی دەزگای هەڵبژاردن سەردانی رزگار عەلی  لێپرسراوی دەزگای هەڵبژاردنیان كرد.

 رزگار عەلی تیشكی خستەر چۆنیەتی بەرێوەچوونی هەڵبژاردنەكان بە گشتی كە پایەكی گرنگی پرۆسەی دیموكراسیە و پێویستە یەكێتی بەپێی بەرنامە و ئەجێندای نوێ بەشداری لە هەڵبژاردنەكانی داهاتوو بكات.
لەبارەی كارەكانیان بۆ كۆنگرەی چوارەم وتی قۆناغی یەكەم كۆنفرانسی  كۆمیتەكان و دواتریش مەكتەبەكان بەشێوەیەكی شەفافی و دیموكراسی زۆر بەسەركەوتوی بەرێوەچوو، وتیشی: بەپێی ئەو بەرنامەی كە دامانڕشتوە كۆنفرانسی مەڵبەندەكان لە كاتی بڕیارلێدراودا ئەنجام دەدرێت كە پرۆسەیەكی گرنگ و زیاتر لە چوار هەزار كەس دەنگدەر و 1438 كەسیش كاندیدە و هەموو رێكارەكانمان گرتوەتە بەر كە پرۆسەكە بەو پەری شەفافیەتەوە بەرێوەبچێت.

لەبارەی هەندێك هەواڵ و هەڵمەتی چەواشەكاریی و دەنگۆوە وتی: بەستن و نەبەستنی كۆنگرە  كۆتایی هاتوە و ئەنجامدانی كۆنگرە حەتمیە و هیچ تەفسیرێك هەڵناگرێ بەڵام بەهۆی كاتەوە پێدەچێت تەنها چەند رۆژێك لەوادەی دیاری كراوی خۆی دوا بكەوێت بەڵام سەرجەم ئەندام و كادیرانی یەكێتی دڵنیادەكەینەوە كە بە كۆنگرەیەكی سەركەوتووە دەچینە ساڵی نوێوە.
پاشان زوبێر عوسمان جێگری یەكەمی سكرتێری ئەنجومەنی ناوەندی كار و ئەركەكانی دەزگای هەڵبژاردنی لە پرۆسەی بەرێوەچوونی كۆنفرانسی كۆمیتەكان و مەكتەبەكان و رێكارەكان بۆ كۆنفرانسی مەڵبەندەكان بە گرنگ وەسف كرد كەبەوپەڕی پەرۆشیەوە كاردەكەن و ئاوات و ئامانجی بنكە جەماوەرییەكەی یەكێتی و كەسوكاری سەربەرزی شەهیدان دەهێننەدی و وتیشی: هەموو هەوڵەكان بۆ كۆنگرەی چوارەم هاتوونەتە بەرهەم كە بە گیانێكی هەڤاڵانە و پشتبەستوو بە پەیرەوی ناوخۆ كۆنگرەیەكی سەركەوتوو ئەنجام دەدەین و هەیكەل و فۆرمی بەرێوەبردنی یەكێتی گۆرانكاری تێدا دەكرێت كەلەگەڵ داوا و خواستی ئەندام و جەماوەری یەكێتیدا بێت و وەڵامی دۆخەكە بداتەوە.
راشیگەیاند: هەڵوێستی ئەنجومەنی ناوەندی هەڵوێستی خەمخۆران و دڵسۆزانی یەكێتیە و پشتبەستوو بە جەماوەر و كادیران و پێشمەرگە دێرینەكان و زیندانیانی سیاسیی و كەمئەندامانی سەنگەر و رێكحستنە دێرینەكان و هەموو دەزگا و ئۆرگانەكان پێداگری و دڵنیایی دەدەین لە چەند رۆژی داهاتوودا دوابەدوای كۆنفرانسی مەڵبەندەكان كۆنگرەی چوارەم ئەنجام دەدەین.
دواتر هەڤاڵانی ئەنجومەنی ناوەندی وێرای دەربرینی راو سەرنجی خۆیان لەسەر باشتر بەرێوەچوونی كۆنفرانسی مەڵبەندەكان و پێزانینی خۆیان بۆ هەوڵ و كارەكانی لێپرسراو و كادیرانی دەزگای هەڵبژاردن پشتیوانی خۆیان بۆ هەموو هاوكاری و هەماهەنگیەك دووپاتكردەوە .

722 جار خوێندراوه‌ته‌وه‌
12/2/2019 9:08:29 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ