هەواڵ
پۆلیس ، تۆمەتبارێکی لەسەر گیانی لەدەستدانی مناڵە 7 ساڵەکە دەستگیرکرد
 ئاڕاستە : هەردی حەسەن



ئەمشەوی ڕابردوو لە ناحیەی حاجیاوای سەر بەقەزای ڕانیە لە ئیدارەی ڕاپەڕین لە ڕوداوێکی هاتوچۆدا لە جۆری شێلان، مناڵێکی 7 ساڵان گیانی لەدەستدا .

شۆڕش ئیسماعیل وتەبێژی بەڕێوەبەرایەتی پۆلیسی ڕاپەڕین بە ئاڕاستەی ڕاگەیاند " ڪاتژمێر 8:10 خولەڪی شەو لە ناحیەی حاجیاوا لە ڕوداوێکی هاتوچۆدا لە جۆری شێلان، ئۆتۆمبیلێك لە جۆری جێب گراند شۆفێرەڪەی بەناوی (هـ .ع) لە ڕەگەزی نێر تەمەن ( 22 )ساڵ دانیشتوی ناحیەی حاجیاوا گەڕەڪی ڕاپەڕین خۆی ڪێشا بە منداڵێڪ بە ناوی (ح.ی) لە ڕەگەزی نێر تەمەن( 7 )ساڵ، لە ئەنجامدا ئەو مناڵە گیانی لە دەستدا " .

ناوبراو وتیشی " دوای توێڪاری لە پزیشڪی دادی ڕانیە تەرمی ناوبراو ڕادەستی ڪەس و ڪاری ڪرایەوە و ڕێڪاری یاسایی گیرایەبەر و  لێڪۆڵینەوە لە ڕوداوەڪە دەستی پێڪرد ، لە ئێستادا شۆفێری ئۆتۆمبێلەڪە بە بڕیاری دادوەر بە پێی مادەی( 24 ) لەیاسای هاتوچۆ ڕاگیراوە و لێڪۆڵینەوە لە ڕووداوەڪە بەردەوامە" .
478 جار خوێندراوه‌ته‌وه‌
11/13/2019 9:30:09 AM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ