هەواڵ
جەمیل بایك داوا له‌كوردی باكور ده‌كات شارو گوندەكانتان چۆڵ نەكەن
 ئاڕاستە

هاوسەرۆكی كۆنسەی بەڕێوەبەریی كۆماجڤاكێن كوردستان- كەجەكە ڕایگه‌یاندوه‌، گەلەكەمان لە باكور پێویستە شار و گوندەكانیان چۆڵ نەكەن، هەرچەند هاوەن و تۆپیان تێدەگرن باتێیانگرن.
جەمیل بایك ڕایدەگەیەنێت، كورد لە قۆناغی مان و نەماندایە، بۆیە ئەگەر گەلی دەیەوێت بە ناسنامە، نرخ، بە زمان و كلتوری خۆی بژی، پێویستە باجی گەورە بدات و لەدژی داگیركەریی و قڕكردن بووەستێتەوە، بانگەوازییش لە گەلی باكور دەكات، خزمەتی سیاسەتی داگیركەر نەكەن و شوێنی خۆیان چۆڵ نەكەن.
هاوسەرۆكی كۆنسەی بەڕێوەبەریی كۆماجڤاكێن كوردستان- كەجەكە، لە چاوپێكەوتنێكی لەگەڵ ئاژانسی فورات-دا، ئاشكرایكردوە،گەلەكەمان لە باكور پێویستە شار و گەندەكانیان چۆڵ نەكەن، هەرچەند هاوەن و تۆپیان تێدەگرن باتێیانگرن، چەند كۆمەڵكوژیی دەكەن بابیكەن، پێویستە هیچ كەسێك گوند و شار و ماڵەكانیان چۆڵ نەكەن.
دەشڵێت، ئەگەر چۆڵیبكەن واتە خزمەتی سیاسەتی داگیركەران دەكەن، ئەگەر چۆڵی بكەن جارێكی تر ناتوانن بگەڕێنەوە سەر گوند، شار و ماڵەكانیان، ئەمە بەواتای مردنی كوردە. 
جەمیل بایك  باسی له‌وه‌شكردوه‌،كورد لە قۆناغی مان نەماندایە ئەگەر گەلی دەیەوێت بە ناسنامەی خۆی، بە نرخەكانی خۆی و بە زمان و كلتوری خۆی بژی پێویستە باجی گەورە بدات و لەدژی داگیركەریی و قڕكردن بووەستێتەوە.
1108 جار خوێندراوه‌ته‌وه‌
10/20/2019 8:19:42 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ