هەواڵ
رەجەب تەییب ئەردۆغان هۆشداریی به‌ وڵاتانی ئەوروپی ده‌دات
 ئاڕاستە


ئەمڕۆ پێنجشەممە 10-10-2019، رەجەب تەییب ئەردۆغان، سەرۆک کۆماری تورکیا، رایگەیاندووە، وڵاتەکەی دەرگا بەڕووی پەنابەران بۆ پەڕینەوە بەڕووی وڵاتانی ئەوروپی، دەکاتەوە.

بەپێی هەواڵی میدیا تورکییەکان، رەجەب تەییب ئەردۆغان هۆشداریی داوەتە وڵاتانی ئەوروپی، کە هێرشی سوپای تورکیا بۆ سەر رۆژئاوای کوردستان بە  داگیرکاری  ناو نەبەن، ئەگینا تورکیا رێگا بۆ پەنابەرانی نایاسایی خۆش دەکات لە خاکەکەیەوە روو بکەنە ئەوروپا.
ساڵانە سەدان هەزار پەنابەری نایاسایی لە وڵاتانی رۆژهەڵاتی ناوەڕاست و باکووری ئەفریقیا، هەوڵ دەدەن بەناو خاکی. تورکیاوە، خۆیان بگەیەننە وڵاتانی رۆژئاوای ئەوروپا.
جێگه‌ی باسه‌ ،چوارشەممە 9-10-2019، بە سەرپەرشتیی رەجەب تەییب ئەردۆغان، سەرۆک کۆماری تورکیا، هێرشی زەمینی و ئاسمانیی سوپای تورکیا و گرووپە توندڕەوەکانی ئۆپۆزیسیۆنی سووریا بۆ سەر رۆژئاوای کوردستان، لەژێر ناوی (کانیی ئاشتی)، دەستی پێ کرد.
4699 جار خوێندراوه‌ته‌وه‌
10/10/2019 2:54:32 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ