هەواڵ
كۆسرەت ڕەسول: بەدرێژایی مێژووی كورد مامۆستایانی ئایینی پێشەنگی شۆڕشەكان بوون
 ئاڕاستە

له‌ په‌ یامێكدا كۆسرەت ڕەسول پیرۆزبایی لە یەكێتی زانایانی ئایینی ئیسلامی كوردستان دەكات وده‌ڵێت، شاراوە نییە كە بەدرێژایی مێژووی كورد مامۆستایانی ئایینی هەمیشە پێشەنگی شۆڕشەكان بوونە.

ده‌قی یه‌ یامه‌كه‌...
‎لە ٤٩هەمین ساڵیادی دامەزراندنی یەكێتی زانایانی ێایینی ئیسلامی كوردستان، گەرمترین پیرۆزبایی ئاراستەی سەرجەم مامۆستایانی ئایینی دەكەم و هیواخوازم ئەم یادەتان ببێتە هاندەرێك بۆ بەردەوامی لەسەر خزمەتكردنی كۆمەڵگاو گەیاندنی پەیامی پیرۆزی ئیسلام و بڵاوكردنەوەی ڕۆحی پێكەوەژیان و یەكتر قبوڵكردن.
‎شاراوە نییە كە بەدرێژایی مێژووی كورد مامۆستایانی ئایینی هەمیشە پێشەنگی شۆڕشەكان بوونەو لەڕێگای مینبەرە پیرۆزەكانەوە خزمەتی كوردو شۆڕشەكانیان. كردووەو پشتیوانێكی گەورەش بوونە بۆ هاندانی هاونیشتمانیان بەئامانجی بەرگری كردن لە خاك.
‎ئەمڕۆ كە كوردستان و ناوچەكە بە دۆخێكی تایبەت و هەستیار تێپەڕدەبێ و ناحەزان و توندڕەوان دەیانەوێ لەپەنای ئایینی پیرۆزی ئیسلام مەرامە گڵاوەكانیان جێبەجێ بكەن، ئەركە لەسەرشانی مامۆستایانی ئایینی هەڵگری پەیامی ئاشتی و پێكەوەژیان بن و جەخت لەوە بكەنەوە كە ئیسلام ئایینی پێكەوەژیان و لێبووردەییە.
‎جارێكی تر پیرۆزبایی خۆم ئاراستەی سەرجەم مامۆستایانی ئایینی دەكەم و هیوادارم یەكێتی زانایانی ئایینی ئیسلامی كوردستان داكۆكیكاری سەرسەخت بێ لە مافەكانی مامۆستایانی ئایینی و هەوڵی جدی بدا بۆ دابینكردنی ژیان و گوزەرانێكی شایستە بۆ مامۆستایانی ئایینی.


‎كۆسرەت ڕەسول عەلی
‎جێگری سكرتێری گشتی
‎یەكێتی نیشتمانی كوردستان
232 جار خوێندراوه‌ته‌وه‌
9/22/2019 3:07:45 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ