هەواڵ
‎بافڵ تاڵەبانی بۆ رێکخستنەوەو چاکسازی کردن و پڕچەککردنی زیاتری ھێزی پێشمەرگە چەند پێشنیارێکی دەخاتەروو
 ئاڕاستە

‎بافڵ تاڵەبانی ، لە دەباشان چاویکەوت بە كۆلۆنێڵ ( ڕۆی نەتارجان ) ڕاوێژكاری تایبەتی سەربازی هێزەكانی بەریتانیا بۆ كاروباری چاكسازی لە وەزارەتی پێشمەرگەو ( مارک پاکسمان  ) فەرماندە لە ھێزی ئاسمانی مەلەکی بەریتانیا .

‎لە دیدارێکدا ، کە ئاڵا تاڵەبانی ئەندامی سەرکردایەتی یەکێتیی نیشتمانیی کوردستان ئامادەبوو ،  باس لە بایەخی ھاریکاری و کاری ھاوبەش کرا ، لە نێوان ھێزەکانی پێشمەرگەو ھێزەکانی عێراق و ھاوپەیمانان ، بۆ بەگژاچوونەوەی ھەڕەشەکانی تیرۆر و سەقامگیری ئاسایش و ئارامی لە ناوچەکە . 

‎لەوڕووەشەوە ، بافڵ تاڵەبانی ، چەند پێشنیارێکی خستەڕوو  ، بۆ رێکخستنەوەو چاکسازیکردن و پڕچەککردنی زیاتری ھێزی پێشمەرگەو داوای لە ھاوپەیمانانیش کرد ،  ھەماھەنگی زیاتری وەزارەتی پێشمەرگەبن و راشیگەیاند پێویستە بە میکانیزمێکی ھاوچەرخ و سەردەمیانە ھێزی پێشمەرگە رێکبخرێتەوە و چاکسازی ریشەیی لەدامەزراوە سەربازییەکان بکرێت . 


‎ھەر لە دیدارەکەدا دواپەرەسەندنە سیاسی و ئەمنییەکانی و کێشەکانی ھەرێم و عێراق گفتوگۆی لەبارەوەکرا  و تەئکید لەچارەسەرکردنی کێشەکان کرایەوە لەسەر بنەمای دەستوور

569 جار خوێندراوه‌ته‌وه‌
9/11/2019 4:32:54 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ