هەواڵ
قوباد تاڵه‌بانى په‌یامێك بڵاو ده‌كاته‌وه‌
 ئاڕاستە

بە بۆنەی تێپەڕبوونی ٢٨ ساڵیادى دامه‌زراندنى کەناڵی گەلی کوردستان قوباد تاڵەبانی جێگری سەرۆکی حکومەتی هەڕیم پەیامێکی پیرزبایی ئاراستەی ستاف و سه‌رجه‌م كارمه‌ندانى كه‌ناڵه‌كه‌ ده‌كات و به‌ كه‌ناڵێكى بزێو و چالاك ناوده‌بات.

دەقی پیرۆزباییه‌كه‌ى:

بەڕێزان بەڕێوبەرو کارمەندانی کەناڵی گەلی کوردستان

سڵاوێكی گەرم..

بە تێپەڕبوونی ٢٨ ساڵی تەواو بەسەر دامەزراندنی یەكەم كەناڵی تەلەفزیۆنی كوردیدا لە پاش ڕاپەڕینە مەزنەکەی ١٩٩١، پیرۆزبایی گەرم لەستاف و خێزانی ئەم شاشە بزێو و چالاكە دەكەم. 

كەناڵی گەلی کوردستان (کەناڵی دایک) لەهەموو بارودۆخ و نەهامەتی و قەیرانەكاندا سەرچاوەی هیواو ئومێد و ئاوێنەی ڕاستەقینەی نەبەردییەكانی پێشمەرگە بووە، لە پەنا ئەمەشدا هەمیشە شاشەیەکی جوان بە بەرنامەو بڕگەی ڕەنگاوڕەنگ دنیای رۆشنبیری و كلتوریی گەلی كوردی سەوزتر كردووە. 

بەهیوام هەمیشە لە بەرەوپێشچووندا بن و لەگەڵ ڕەوتی گۆڕانكارییە میدیایی و تەكنیكییەكاندا هەمیشە وێنەتان پرشنگدار و دەنگتان بیستراوبێت. 

قوباد تاڵەبانی
جێگری سەرۆک وەزیران
805 جار خوێندراوه‌ته‌وه‌
9/11/2019 12:38:49 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ