ئابوری
هه‌فته‌ى داهاتوو موچه‌ى مانگى 5 ى ئه‌م وه‌زاره‌تانه‌ دابه‌ش ده‌كرێت
 ئاڕاسته‌:چاوان حسام
دوای ئەوەی ئەمرۆ وەزارەتی دارایی حكومەتی هەرێم كۆتایی بەدابەش كردنی موچەی مانگی چواری فەرمانبەران هێنا ، وا بریارە پێش جەژنی قوربان دەست بكات بەدابەش كردنی موچەی مانگی ئایاری فەرمانبەران .

بەگوێرەی زانیاریەكانی ئاڕاسته‌ وا بریارە وەزارەتی دارایی دەست بكات بەدابەش كردنی موچەی مانگی ئایاری فەرمانبەران لەو برە پارەیەی كە لە فرۆشتنی نەوت دەستی دەكەوێت"برەكەی (317) ملیار دیناره‌ و یەكەم شوێن كە موچە وەردەگرێت وەزارەتی پێشمەرگە دەبێت لە بەرواری (5/8/2019).

وە بەگوێرەی زانیاریەكان لە رۆژی سێشەمە (6/8) موچەی یەكەكانی (70) و (80) هێزی پێشمەرگە دابەش دەكرێت و وە رۆژی چوار شەمە (7/8) موچەی وەزارەتی پەروەردە دابەش دەكرێت و رۆژی پێنج شەمە (8/8) موچەی وەزارەتی تەندروستی دابەش دەكرێت " وە ئەگەر حكومەتی عێراقی بری پارەی تەرخان كراوی هەرێم كە برەكەی (453) ملیار دینارە، ئەوا وەزارەتی دارایی دەست دەكات بەدابەش كردنی موچەی وەزارەتەكانی تر ،ئەگینا دوا دەكەوێت بۆی دوای جەژن .

جێگەی ئاماژەیە بەگوێرەی سەرچاوەكانی هەواڵ حكومەتی هەرێم بریاری داوە یەك هەفتە بكاتە پشووی جەژنی قوربان .
10979 جار خوێندراوه‌ته‌وه‌
7/29/2019 11:15:02 AM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ