هەمەڕەنگ
له‌كاتى ماسكارا كردندا له‌م هه‌ڵانه‌ به‌دووربه‌
 ئاڕاستە:ڤانیا بێستون
به‌شێوه‌یه‌كی گشتی خانمان ئاره‌زووی به‌كارهێنانی ماسكارا ده‌كه‌ن، به‌مه‌به‌ستی درێژكردنی برژانگه‌كانیان و جوان و سه‌رنجڕاكێش ده‌رخستنی، چونكه‌ برژانگ هێمایه‌كی سه‌ره‌كی جوانی ڕوخساری خانمانه‌.
ماسكاراكردنی ڕه‌نگه‌ كارێكی ئاسان بێت، به‌ڵام پێویستی به‌ وریایی و لێهاتووی تۆ هه‌یه‌ كه‌ تووشی هه‌ندێك هه‌ڵه‌ نه‌بیت له‌كاتی ماسكارا كردندا، چونكه‌ سیمایه‌كی ناشرینت پێده‌به‌خشێت، كه‌ پێكهاتووه‌ له‌مانه‌ .
*یه‌كێك له‌ به‌ربڵاوترین هه‌ڵه‌كانی خانمان له‌كاتی به‌كارهێنانی ماسكارادا، لێدانی چه‌ند چینێكی زۆره‌، كه‌ خۆی ته‌نها پێویستی به‌ دوو چینه‌، چونكه‌ له‌گه‌ڵ هه‌ر جارێك دووباره‌ به‌كارهێنانه‌وه‌ی فڵچه‌ی ماسكاراكه‌ برژانگه‌كانت زیاتر پێكه‌وه‌ ده‌نوسێن و جوانی نامێنێت. 
*بردنه‌ ناوه‌وه‌ و هێنانه‌ ده‌ره‌وه‌ی فڵچه‌ی ماسكاراكه‌ به‌ هێزێكی زۆر، هۆكارێكه‌ بۆ كۆبوونه‌وه‌ی هه‌وا و وشكبوونه‌وه‌ و دروستبوونی به‌كتریا و میكرۆب، ئاكامای ئه‌مه‌ش زیان گه‌یاندنه‌ به‌ چاوه‌كانت و ناشرین بوونی ماسكاراكه‌یه‌، پێویسته‌ به‌ هێواشی فڵچه‌كه‌ له‌ ناو ماسكاراكه‌دا بسوڕێنیت، نه‌ك به‌رز و نزمی بكه‌یت.
 *ماوه‌ی پێویست بۆ به‌كارهێنانی ماسكارا سێ مانگه‌، له‌دوای تێپه‌ڕینی ئه‌و ماوه‌یه‌، زیانی هه‌یه‌ و ده‌بێته‌ هۆی هه‌وكردنی چاوه‌كان و سوربوونه‌وه‌ی، چونكه‌ میكرۆب و به‌كتریا دروستده‌كات.
 *پێویسته‌ كاتێك ماسكارا به‌كارده‌هێنیت بیده‌یت له‌ هه‌موو به‌شه‌كان به‌ یه‌كسانی، چونكه‌ ناڕێكی له‌ لێدانی ماسكارا، واتا لایه‌كی برژانگ ڕێژه‌یه‌كی زۆری ماسكارا لێبده‌یت و لایه‌كی دیكه‌ كه‌متر، ئه‌مه‌ خۆی له‌ خۆیدا سیمایه‌كی ناشرینی هه‌یه‌ و جوانی برژانگه‌كانت ده‌شارێته‌وه‌.
 *به‌ركه‌وتنی پێستی پشتی پێڵوی چاوه‌كانت به‌ ماسكاراكه‌، ئه‌مه‌ به‌هۆی خێرای و شپرزه‌ی و یاخود به‌كارهێنانی ماسكاراكه‌یه‌ به‌ هێزه‌وه‌، به‌هه‌مان شێوه‌ی سیمایه‌كی ناشرینی هه‌یه‌، هه‌ر كاتێك تووشی ئه‌وحاڵه‌ته‌ بوویت به‌ كلێنسی لابه‌ری ماكیاژ بیسڕه‌ یان كه‌مێك به‌ كرێمی ڤازلین به‌كاربهێنه‌.
566 جار خوێندراوه‌ته‌وه‌
7/27/2019 1:31:28 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ