هەواڵ
بەستنى پێوەرى ئاوی ماڵان بەردەوامی هەیە
 ئاڕاستە : هەردی حەسەن

بەڕێوبەرایەتی ئاوی ڕاپەڕین لە ئاگاداری نامەیەکدا کەوێنەیەکی بۆ ئاڕاستە نێردراوە ، ئاماژەی بەوەداوە بەستنی پێوەری میکانیکی ئاوی ماڵان لە دەڤەری ڕاپەڕین بەردەوامی هەیە و پێویستە هاوڵاتیان پێ یەوە پابەند بن .

لە ئاگاداری نامەکەی دا بەڕێوبەرایەتی ئاوی ڕاپەڕین ڕایگەیاندووە  " ئاگادارى هاوڵاتیانى خۆشەویستى سنورەکەمان دەکەینەوە پێوەرى ئاو نەک لە سنورى ئیدارەى راپەرین بەڵکو لە تەواوى شارو شارۆچکەکانى هەرێمى کوردستان دەبێت هاوڵاتیان ئەم پێوەرە ببەستن و پابەندبن بە بریارى حکومەتى هەرێمى کوردستان وەزارەتى شارەوانى و گەشت و گوزارو بەرێوەبەرایەتى گشتى ئاوو ئاوەرۆ وەک بەرێوەبەرایەتى ئاوى راپەرین ئەم پرۆسەیە بە گرنگ دەزانین لە سنورەکەداو دەبێت جێ بەجێ بکرێت  هاوڵاتیان پابەندبن پێوەى ئەمەش لە پێناو رێگرى کردن لە بەفیرۆدانى ئاوى خواردنەوە لە سنورەکەدا کە لەلایەن هاوڵاتیانەوە بە فیرۆ دەدرێت " .

هاوکات ئاماژە بەوەشکراوە " بۆ زانیارى هاوڵاتیان رۆژانە بڕى( ١٢٦ ) هەزار مەتر سێجا ئاو بەرهەم دێت لە سنورەکەدا لە کاتێکدا پێویستمان ( ٨٠ ) هەزار مەتر سێجایە هۆکارەشی بۆ ئەوە دەگەرێتەوە کەوا هاوڵاتیانى لە سەدا (٣٠% ) ئاوى خواردنەوە بەفیرۆ دەدەن  ، وە پێوەرى میکانیکى ئاو هاوسەنگى دروست دەکات لە دابەشکردنى ئاوى خواردنەوە لە ماڵەکاندا کە لە ئێستادا زۆرێک لە هاوڵاتیان گرفتى ئەوەیان هەیە کە ئاوى خواردنەوەیان وەکو پێویست پێ ناگات بەڵام لەهەمان گەرەکدا ماڵ هەیە کێشەى نیە هۆکارە بۆ بەفیرۆدان دەگەرێتەوە لە سنورەکەدا بەگشتى بەم بەستنى پێوەرى ئاو رێگرى دەکرێت لەم بەفیرۆدانەو ئاو بە فیرۆدراو دەگەرێتەوە ئەو کاتە رێژى کاتى دابەشکردنى ئاو زیاتر دەبێت و هەموومان وەکو یەک ئاوى خواردنەوەیان پێ دەگات ".

بەڕێوبەرایەتی ئاوی ڕاپەڕین ئەوەشی خستۆتەڕوو " گرفتى خوێندنەوەى پارەى زۆرى هاوڵاتیان ئێمە وەکو بەرێوەبەرایەتى ئاوى راپەرین مەداینى سەردانى زۆرێک لەو ماڵانەمان کردوە کەوا پارەى ئاویان زۆر بۆ هاتۆتەوە لە رێگەى پێوەر ئاو دەرکەوت خۆیان پێوەرکەیان دەستکارى کردوە لێیان کردوە دواتر بە پێچەوانەوە بەستراوەتەوە بەمەش خوێندنەوەى پێوەرەکە لە ژمارەى بچوکەوە بۆتە ژمارەى گەورە بەمەش رێژى پارەى داواکراو زیادى کردوە...داواو لە هاوڵاتیان دەکەین هاوکارمان بن بۆ سەرکەوتنى ئەم پرۆسەیە کە بە دڵنیایەوە لە سوودو قازانجى هاوڵاتیاندایە" .
767 جار خوێندراوه‌ته‌وه‌
7/11/2019 2:08:07 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ