هەواڵ
بەوێنە :هەڵمەتی دەست بەسەرداگرتنی ماتۆڕسکیلە بێ سەرەتاکان بەردەوامی هەیە
 ئاڕاستە : هەردی حەسەن
ئەمشەوی ڕابردوو پۆلیسی هاتوچۆی قەزای دوکان بە هەماهەنگی بنكەی پۆلیسی فریاكەوتنی دوكان(١٠٤)  لە هەڵمەتێکی بەرفراواندا ژمارەیەک ماتۆڕسکیلی بێ سەرەتایان دەستگیر کرد و وە ڕێکاری یاسای یان بەرامبەر ئەنجام درا .

لە ڕاگەیەنراوێک دا کە وێنەیک بۆ ئاڕاستە نێردراوە ڕاگەیاندنی قائیمقامیەتی قەزای دوکان ئاماژەی بەوەکردوە " لە پێناو ئاسایش و ئارامی و سەلامەتی_هاتوچۆ_بۆهەموانئەمشەو شەوی ڕابردو ، پۆلیسی هاتووچۆی دوكان بەهەماهەنگی بنكەی پۆلیسی فریاكەوتنی دوكان(١٠٤) 
لەپێناوی ئارامی شارو ڕێکخستنی سیستمی هاتوچۆ و دورکەوتنەوە لە ڕووداوەکانی هاتوچۆ  مەفرەزەیەکی هاوبەشیان لە سەنتەری قەزای دوکان پێكهێنا و لەچەن شوێنێكیش بازگەیان دانا " .

هاوکات ئەوەش خراوەتەڕوو کە " ئامانج لەم پڕۆسەیە بۆ لێپرسینەوەیە لە شۆفێرانی سەرپێچی کار و دڵنیای زیاتر هاوڵاتیان هەروەها ڕێگری کردن و دەست بەسەرداگرتنی ئەو ماتۆڕسکیلانەی کە كەبێ سەرەتان و بوونەتە بێزاری هاوڵاتیان و مەترسین  بۆ ڕووداوەكانی هاتوچۆ ، لەم هەڵمەتەدا چەندین ماتۆرسكیلی بێ سەرەتا دەستی بەسەراگیراو لێپێچینەوەی یاسایش لەگەڵ چەن شۆفێریكی بێ مۆڵەت  و خاوەن ئۆتۆمبێلی بێ سەرەتا كرا ".
 
لە ڕاگەیەنراوەکەدا باس لەوەشکراوە " ئەم چالاكیانە بەردەوام دەبن لەپیناوی ئاسایش و ئارامی شارو سەلامەتی هاتووچۆی هاوڵاتیان " .
1021 جار خوێندراوه‌ته‌وه‌
6/13/2019 10:08:54 AM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ