هەواڵ
ماف و ئیمتیاز بۆئه‌م فه‌رمانبه‌رانه‌ زیاد ده‌كرێت
 ئاڕاستە

سەرۆكایەتی ئەنجومەنی وەزیران و وەزارەتی دارایی  ئاماژە بە چەند بڕیار و رێنماییەك كراوە بۆ پێدانی ماف و ئیمتیاز بە فەرمانبەرانی گرێبەست. 
بەپێی نوسراوەكان، راژەی فەرمانبەری گرێبەست وەكو فەرمانبەری هەمیشەیی بە خزمەت ئەژمار دەكرێت، لەو حاڵەتەی كە دامەزرا بە هەمیشەیی، بەو مەرجەی پشكی خانەنشینیان لێوەربگیرێت و خزمەتیان بۆ ئەژمار دەكرێت.

حازم ئیسماعیل بەرێوەبەری گشتی خانەنشینی هەرێمی كوردستان  رایگەیاندوه‌: لەو كاتەی فەرمانبەری گرێبەست بە هەمیشەیی دامەزرا ئەوكاتە خزمەتەكەی بۆ ئەژمار دەكرێت بۆ پرسی خانەنشینی، بەو مەرجەی كە دەبێت پشكی خانەنشینی لێوەربگیرێت كە ئەوەش بەپێی ساڵانی خزمەت دەبێت ووەزارەتی داراییش جەختی كردۆتەوە فەرمانبەری گرێبەست بۆی هەیە لە ساڵێكدا 30 رۆژ مۆڵەتی ئاسایی ،لەگەڵ مۆڵەتی 8 رۆژ تاوەكو 15 رۆژ بۆ نەخۆشی،لەگەڵ مۆڵەتی بێ مووچە بۆ مانگێك وەربگرێت.

دووپاتیشكراوەتەوە: بۆ ئەو ئافرەتانەی گرێبەستن 72 رۆژ مۆڵەتی دایكایەتیان پێ دەدرێت، دوای ئەو مۆڵەتە بۆ ماوەی 2 مانگ مۆڵەتی نیو مووچەیان پێ دەدرێت ئەگەر لەو كاتە بەكاری نەهێنێت ناتواندرێت دواتر پێیان پێ بدرێت،پێشووتر رێگە بە فەرمانبەری گرێبەست نەدەدرا ئیفاد بكرێت، بەڵام بەپێی رێنماییەكە ئیفاد دەكرێن بۆ ناوخۆ ، لەسەر بنەمای بڕوانامەكەشی شایستە داراییەكانی خەرجی ئیفادی بۆ دەكرێت.
جەلال كوردی، سەرۆكی رێكخراوی فەرمانبەرانی گرێبەستی كوردستانیش بۆباس باسی له‌وه‌شكردوه‌: هەندێك ماف و ئیمتیاز بۆ گرێبەستەكان زیادكراوە، وتیشی:" خواستەكانی ئێمە زیاترن بە تایبەت بۆ دامەزراندنی هەمیشەییی بۆ ئەو گرێبەستانەی كە خزمەتی زۆریان هەیە، هەروەها دەبێت مافەكانی ئەوانیش یەكسانیەكی تێدابێت لەگەڵ فەرمانبەرانی تر.
3177 جار خوێندراوه‌ته‌وه‌
6/11/2019 2:05:35 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ