هەواڵ
پۆلیسی سلێمانی له‌سه‌ر ڕوداوه‌كان ڕونكردنه‌وه‌ ده‌دات
 ئاڕاستە
وتەبێژی پۆلیسی سلێمانی ڕایده‌گه‌یه‌نێت، هەموو ڕووداوەكانی كوشتن لای پۆلیس و هێزە ئەمنییەكان ڕوونە، بەڵام كاتیان پێویستە تاكو تۆمەتبارەكان دەستگیردەكەن
سەركەوت ئەحمەد، وتەبێژی پۆلیسی سلێمانی لە كۆنفڕانسێكی ڕۆژنامەوانیدا ڕایگەیاند" هەموو ڕووداوەكانی كوشتن لای پۆلیس و هێزە ئەمنییەكان ڕوونە، بەڵام كاتیان پێویستە تاكو تۆمەتبارەكان دەستگیردەكەن و دەیاندەنە دادگا.

لەبارەی رووداوەكانیشەوە وتی:لەڕۆژی (9ی‌ 4)دا لە كافتریایەكی شاری سلێمانی دوو كەس كە هاوڕێی یەكتر بوون لەسەر پێدانی‌ پارە بووە بە كێشەیان و لەئەنجامدا هاووڵاتییەك كوژراو، دوو تۆمەتباریش كە هاوكاری‌ بكوژەكە بوون دەستگیركراون، زانیاریش لەسەر ئەو بابەتە هەیەو لەهەوڵداین بۆ دەستگیركردنی‌ تۆمەتبارەكە.

هه‌روه‌ها لەڕۆژی (10ی‌ 4) لەسەر كێشەی كۆمەڵایەتی دوو كوڕ چەند چەقۆیكیان لەباوكیان دابوو، دواتر هێزەكانی پۆلیسی فریاكەوتن بردوویانە بۆ نەخۆشخانە، بەڵام بەهۆی سەختی برینەكەیەوە گیانی لەدەستدا، دواتریش پۆلیس كۆمەڵێك ڕێكاری گرتەبەر و تۆمەتبارەكانی ناچاركرد كە خۆیان ڕادەستی ئاسایش كردوەو دانیان بە تاوانەكەیاندا ناوە.

ئاماژه‌ی به‌وه‌شكرد،لەڕۆژی 12ی‌ ئەم مانگەش لەگەڕەكی مامە یارە كەسێك كوژرا لەئێستاشدا كەسێك دەستگیركراوە و لەلێكۆڵینەوە بەردەوامن ودوو تۆمەتباری دیكەش دەستگیركران بەهۆی تاوانێكی كوشتنەوە.
هه‌روه‌ها  پۆلیسی پارێزگای سلێمانی، هاووڵاتیانی‌ دڵنیا كردەوە كە هیچ روداوێك شاراوە نییەو تۆمەتباری‌ روداوەكانیش دەستگیر دەكەن،به‌ لأم ئەوەی جێگەی نیگەرانییە ڕووداوەكان بەشێوازێكی خراپ و شێوێندراو بڵاودەكرێنەوە.
591 جار خوێندراوه‌ته‌وه‌
4/15/2019 2:01:58 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ