بیروڕا
کازمی لە ئەنکەرە!
كاروان یاروەیس

کازمی پەیوەندیی لەگەڵ تورکیا باشە، پەیوەندیەکی بەتینی لەگەڵ هاکان فیدان ڕاوێژکاری دەزگای هەواڵگیری میت هەیە، کە دەگەرێتەوە بۆ ئەوکاتەی، کە کازمی هاوتای هاکان بووە و بەرێوەبەری دەزگای موخەبەراتی عێراقی بووە. 

تورکیا و عێراق وەک دوو دەوڵەتی دراوسێ، بەرژەوەندی هاوبەشیان هەیە، بۆیە هەمیشە لەسەروبەندی دانوستانەکاندا، تورکیا فاکتەرێکی بەهێز بووەو دەستێوەردانی کردووە، فشاری کردووە بۆ ئەوەی دانوستانەکان بەو ئاقارەدا بچێ بەرژەوەندییەکانی دەیخوازێ.

لە هەشتاکانی سەدەی ڕابردوودا، شۆڕشی کوردستان بەڕابەرایەتی سەرۆک تاڵەبانی دانوستانی لەگەڵ عێراق و سەدام حسێن ئەنجامدا، کە گەیشتە ئەوەی بڕیار بدرێ و ڕێکەوتن بکرێ، بە دەستێوەردانی تورکیا شکستی هێنا. 

ئێستا لەکاتێکدا کازمی دەچێتە ئەنکەرە، دە ڕۆژە وەفدی هەرێم لە بەغدایە و دانوستاندنی چڕ هەیە، لەبارەی چارەسەرکردنی بودجە و نەوت. تورکیا جگە لە فاکتەری دراوسێتی و بەڕژەوەندی هاوبەش و دۆسیەی پەکەکە و ڕێکەوتنی شەنگال، دۆسیەی نەوتی هەرێم، فاکتەرێکی ترە و تورکیا بەهۆیەوە ڕۆڵی دەبێت لە چارەنووسی داوستاندنەکان. 

پارتی کە ناوچەی هەژموونی هاوسنورە لەگەڵ تورکیا، ڕێکەوتنی پەنجا ساڵەی نەوتی لەگەڵ تورکیا هەیە، بۆیە بەدڵنیاییەوە، چۆن لە شەش ساڵی ڕابردوودا، دەستی هەبووە لە ئەنجامی دانوستاندنەکان، ئەوە ئەمجارەیش ڕۆڵی یەکلاکەرەوەی دەبێت، لەلایەک پارتی بەقسەیان دەکات، لەلایەکی تریش کازمی لەڕوانگەی بەرژەوەندی هاوبەشیانەوە گوێ لە تورکیا دەگرێ. 

چوونی کازمی بۆ تورکیا، لە کاتێکدا وەفدی هەرێم لە بەغدایە، لەرووی تەکنیکیەوە، دانوستانەکانی هەرێم و عێراق دوادەخات، لەلایەکی تریشەوە ئەنجامی سەردانەکەیشی بۆ تورکیا کاریگەری دەبێت لەسەر چارەنووسی دانوستاندنەکان. 

بەداخەوە هیچ کاتێ کورد لە باشوری کوردستان هێندەی ئێستا مەوقفی خراپ نەبووە، بریا ئەمە پەندێ بە کورد بدات و بەخۆیدا بچێتەوە، کێشەکانی چارەسەر بکات و چاکسازی بکات و ژێرخانی وڵات بونیاد بنێتەوەو بیکاتە وێستگەی وەرچەرخان.
‌‌ زیاتر ...
ئازاد ئیبراهیم ئەحمەد
بورهان شێخ ڕه‌ئوف
سه‌رتیپ جه‌وهه‌ر‌
بورهان شێخ ڕه‌ئوف
زۆرترین خوێندراو
  • 24 کاتژمێر
  • هەفتە
  • مانگ