بیروڕا
خۆزگە بەحكومڕانێكی وەك مێركڵ
سه‌رتیپ جه‌وهه‌ر‌

لەمڕۆژانە هاوڕێی خۆشەویستم (بورهان یٔەمین) بەبۆنەی رۆیشتنی یٔەنگێلا مێركل سەرۆكی یٔەڵمانیاو دەستبەرداربوونی سیاسەت و حوكمڕانیی، كورتە نوسینێكی بەناونیشانی (خوا حافیزت بێت، رووت سپی بیت خاتوون) نوسیبوو. جگە لەدوعای خێرو خۆشی، باسی خێرو چاكەو كارە باشەكانی مێركلی كردبوو، خەمی قووڵ خۆی بۆ رۆیشتنی دەربڕیبوو.
یٔەو هاوڕێیەم رۆژنامەنوسەو خەڵكی یٔەم كوردستانەیە، ماوەیەكە لەوێ‌ دەژیت. خۆشەویستی زۆری خۆی بۆ یٔەو وڵاتەو سەرۆكەكەی دەربڕیبوو. بەفریاد ڕەسی ژیانی خەڵك و داهاتووی وڵاتەكەی وەسفی كردبوو. لەدەربڕینەكانی دیاربوو چەندە وڵاتە نوێیەكەو سەرۆكەكەی خۆش دەوێت و نوسیبووی "دەمەوێ سوپاست بکەم لەڕۆژە هەرە سەختەکان یٔێمەت لەخۆگرت" نوسیبووی "سوپاس وگەلەک مەمنون نەتهێشت دەستی نەیارو ناحەزو دڵڕەشەکانمان بگاتێ وداڵدەت داین، موچەت بۆ بڕینەوە، ماندویەتی ڕێگای هاتو نەهاتت حەساندینەوە" 
كاتێك یٔەو نوسینەم دەخوێندەوە، لەگەڵ هەر دێڕێكی خۆزگەم بەو وڵاتەو بەحوكمڕانێكی وەك مێركڵ دەخواست. بیرم دەكردەوە كوردێك كە بەڕەچەڵەك یٔەڵمانیی نییەو تەنها چەند ساڵێكە رەگەزنامەی یٔەو وڵاتەی پێدراوە، چەند نزا بۆ سەرۆكەكەی دەكات كە رەنگە لەهەڵبژاردنەكاندا دەنگیشی پێنەدابێت، بەڵام دەیەوێت سوپاسی بكات، چونكە هەستی بەدڵسۆزیی و خەمخۆریی یٔەو سەرۆكە كردووەو ژیانی پاراستووەو یٔایندەی مسۆگەركردووە.
وەك هاوڵاتییەكی یٔەم هەرێمەی خۆمان، یٔیرەیی بەو هاوڵاتییە یٔەڵمانییە دەبەم كە وڵات و سەرۆكی خۆی خۆشدەوێت و بەر لەماڵیٔاوایی بە (روو سپی) ناوی دەبات. یٔیرەیی پێ دەبەم كە حكومڕانەكەی لەناخۆشترین رۆژەكانی ژیانیاندا موچەو قوتی بۆ دابینكردوون و نەیهێشتووە باریان لاربێت و بووە بەفریادڕەسی گەل و نیشتیمانەكەی! 
یٔیرەییم دەبرد چونكە منیش حەزمدەكرد یٔەو حكومڕانەم هەبوایە دوعای خێرو خۆشیم بۆ كردبا. حكومڕانێكی عادل و حكومڕانییەكی دامەزراوەیی و ژیانێكی كەرامەندمەندامەی بۆ دابینكردباین! زەیدو عەمر جیاوازییان نەباو خەمی موچەو بێ‌ كارەبایی و گرانی یٔاو..تد نەبا. نەهاتبامە سەرجادە لەبەریٔەوەی نادادی هەیەو موچەی فەرمانبەرانی نادات..تد.
باشتركردنی ژیانی خەڵك یٔەركێكی گران و زەحمەتیی زۆری ناوێت. ناڕەزایی خەڵك بەهۆی نا عەدالەتیی و بوونی مەحسوبیەت و مەنسوبیەت و نەبوونی دیموكراسی و بەرتەسككردنەوەی یٔازادیی بیروڕاو سەرەنجام خراپی حكومڕانییە، یٔەوەی بیەوێت وەك مێركل بێت، دەبێ‌ وەكو یٔەو میللەتەكەی لەناخۆشییەكان دەرباز بكات و یٔایندەی گەلەكەی مسۆگەربكات. یٔەگەر یٔەوە بكات، یٔەوكاتە هاوڵاتیەكانی لەبری خۆپێشاندان و دوعاو خۆزگەی رۆیشتن، دوعای خێرو خۆشیان بۆ دەكردو وەك یٔەو هاوڕێیەمان بۆیان دەنوسی"تا دەمرین چاكەت لەبیر ناكەین".
‌‌ زیاتر ...
ئازاد ئیبراهیم ئەحمەد
بورهان شێخ ڕه‌ئوف
سه‌رتیپ جه‌وهه‌ر‌
بورهان شێخ ڕه‌ئوف
زۆرترین خوێندراو
  • 24 کاتژمێر
  • هەفتە
  • مانگ