بیروڕا
ئەرکی راگەیاندن لەرووی پلان دانان
سۆما خالید
پلان بە چەمکێکی تازە دادەنرێت و بریتیە لە کێشانی هێڵێکی پان بۆ بەدیهێنانی ئامانج لەسەر بنەمای( توانا، پێداویستی، پڕۆگرام) لە خزمەتگوزاری کۆمەڵایەتی و پرۆسەیەکە بۆ ڕێكخستنی هێزی مادی و مرۆیی بەسەرپەرشتی كردن و چاودێری كردن، کە مرۆڤی هوشیار پەنای بۆ بردووە بۆ سوود وەرگرتن و هاوسەنگیەک لە نێوان ئەرک و ئارەزووکانی ژیان، چونکە گەورەترین ئامانجی پلاندان سوود وەرگرتنە لە تواناو وزەکانی، هەر چەندە دەوڵەتانی سەرمایەدار لە رووی زانستی و پراکتیکەوە زیاتر کەڵکیان لێوەگرتووە، کە پێویستە بنەڕەتیەکان دەستبەر دەکات و بەو شێوەیەی لەگەڵ فەلسەفەی سیاسی باودا بگونجێت. وە لەم قۆناغەدا پێویستی بە توانین و گۆڕانکارى و جێبەجێکردنە، لەبەر ئەوەى پێویستە هەموو کەسێک بە دانانى پلان پرەنسیپێکى گشتگیر دابنێت، کە ئەمەش پێویستی بە رێنمایی هەیە.

لێرەدا باس لە‌ پلاندانی ڕاگەیاندن دەکەین، کە پلاندانانی ڕاگەیاندن و بەشداریکردنی حکومەت و سیاسیە باڵاکان لە بەرپرسیارێتیەکاندا، بووەتە یەکێک لە پێداویستیەکانی سەردەم و پلانە سەرتاسەرییەکانی جیهان، بە جۆرێک بایەخدانێک بە بڵاوکردنەوە و بەرهەمهێنانی ڕاگەیاندنی دەرەکی بەدیدەکرێت، ئەمەش لەگەڵ ستراتیژی دەوڵەتدا دەگۆنجێت، وە ئەرکی سەرشانیانە ئامانجە گشتیەکانی و رۆڵی دیاری بکەن لەچوارچێوەی پرۆسەی کۆمەڵایەتی گەورەی دەوڵەتەکانیاندا. راگەیاندن بووەتە فاکتەرێکی بنەڕەتی و چالاک لە بزاڤی دەوڵەتاندا بەجیاوازی رەوتی سیاسیانەوە، بە جۆرێک پەیوەندییەکی بەتین لەنێوان راگەیاندن و سیاسەت هەیە بە ئاوێتەبوون لە قەڵەم دەدرێت، وا دەخوازێت پلاندانێکی سیاسی و پراکتیکی فراوان بۆ سیاسەتەکانی راگەیاندن و گەیاندن بەهەردوو ئاستی ناوخۆو دەرەکی هەبێت و لەسەر کۆمەڵێک قوناغ و هەنگاوی ئەوتۆ بنیادنرابێت، کە بۆ ڕووبەرووبونەوەی هەلومەرج و کێشەکان پەیڕەو بکرێن. 

هەرچەندە کاری ڕاگەیاندن سەربەخۆ نییە، بەڵکو لە بنەڕەتدا بەو سیاسەتانەوە گرێدراوە کە دادەنرێن، بۆیە دەزگاکانی ڕاگەیاندن وەک ئاوێنەیەک دەبن کە ئەو سیاسەتانە دەنوێنن و بایەخ لەسەر لایەنێک، یا خود لایەنێکی تر چڕ بکرێتەوە و رووناکی بخرێتە سەر، پاشان وەگەڕخستنی توانای مادی و مرۆیی میدیاکان لە پێناو بەدیهێنانی کۆمەڵێک ئامانجی دیاریکراوە، کە سوود لە توانا و هێز و شارەزاییە میدیاکان وەڕدەگرن، کە بەچەند پلانێکی تەواوی راگەیاندنی ئەوتۆ بەشێوەیەکی کارا جێبەجێدەکەن، هەمو ئەمانە وەک فاکتەرێکی گرنگ لە پەرە پێدانەوە سەرچاوە دەگرێت، هەر وەک ئەو کار و ئەرکانەی لەم سەردەمەدا دەیانبینین، تەنیا ئامرازێکی کلاسیکی هەواڵ و کاتبەسەر‌بردن نیە، بەڵکو بووەتە هونەرێکی ئاڵۆز و ورد کە چەندین دامەزراوە ئەم کارە دەکەن و تەکنەلوژیای هاوچەرخ و توانای مرۆیی و مادی گەورەیان بۆ تەرخان کردوون، کە بونەتە پاڵپشت بۆ هێز و دەسەڵات. 

بۆ چارەسەر کردنی ئەم دۆخە پێموایە ئەرکی ڕاگەیاندن ئەوەیە، دەبێت پشت بە سیاسەتێک ببەستێت کە لە تیۆرێکی سیاسی سەرچاوە دەگرێت و لەچوارچێوەی بوارەکانی دیکە هاوسەنگ بێت، وە مەرجە بەگوێرەی ستراتیژێکی تایبەت بەخۆی بەرێوەبچێت، کە بە ستراتیژی گەیاندن ناسراوە. لەگەڵ ئەوەشدا جگە لە بواری سیاسی، لە بوارەکانی دیکەی وەک ئابووری، کۆمەڵایەتی، کەلتووری و سەربازی یەکتر تەواو بکات، بەمەش رووبارێکی بەپێز بۆ کاناڵە جیاجیاکانی راگەیاندن دەستەبەر دەبێت، وە یەکێک لە سیفەتەکانی دەوڵەتە پێشکەوتووەکان ئەوەیە کە هەنگاوێکی دوور و درێژیان لەبواری توێژەری زانستی تایبەت بەم پسپۆڕیەدا بڕیوە، بەجورێک توانیویانە ڕووبەڕووی چەندین کێشەی راگەیاندن ببنەوە، بۆیە پێویستە لەسەر بنەمایەک بنیادنرابێت، قابیلی جێبەجێکردن، بواری هەموارکردن و هاوسەنگی بێت تا سودێک ببەخشێت. هەروەها راگەیاندن پێویستی بە دەزگایەکی ستراتیژی تایبەتمەند هەیە، کە کارمەندەکانی باوەریان بە پلاندانانی زانستی هەبێت چ لەرووی فیکرە و جێبەجێکردن، وە کارمەندەکانی کاناڵ لەرووی کەسایەتی هەڵبژێردراو بن و کاریگەری لە جەماوەری ناوەوە و دەرەوە دروست بکات، واتە توانای قەناعەتپێکردنیان هەبێت، چونکە لە پاڵ گەیاندنی تاکە کەسییدا کاریگەریەکی گەورە لە قەناعەتپێکردندا هەیە، وە چەندین پسپۆری زانستی تێدا بەشدار بێت و شانبەشانی پسپۆرانی ڕاگەیاندن و سیاسەت و ئابووری و دەرونناسی و کۆمەڵناسی و هی دیکەش بگرێتەوە، بەجورێک چالاکییەکانی پرۆسەی یەکتر تەواو و دەستبەر و میدیا رەنگڕێژ بکەن، ئینجا دەبێت لە سۆنگەی ئەو کێشانەی چارەسەری دەکەن ئەو پرسیارانە بورۆژێنن، ئەمەش بە سیفەتی پلاندانای سەرکەوتووی راگەیاندن دادەنرێت.
‌‌ زیاتر ...
بورهان شێخ ڕه‌ئوف
سه‌رتیپ جه‌وهه‌ر‌
بورهان شێخ ڕه‌ئوف
كاروان یاروەیس
ژیروان دەرگەڵەیی
پارێزه‌ر نسار مسته‌فا
زۆرترین خوێندراو
  • 24 کاتژمێر
  • هەفتە
  • مانگ