بیروڕا
تۆ بڵێی خیانەتکارانی 16 ی ئۆکتۆبەر دادگایی نەکەن؟
د.به‌ختیارشاوه‌یس

(لەپەراوێزی دیداری ئەمڕۆی کاک مەسعود و کاک مەسرور و سەرۆکی باڵای دەستەی حەشدی شەعبی)

 چەند ڕۆژێکی تر 16 ی ئۆکتۆبەرە، ئەو ڕۆژەی کەسێ ساڵ لەمەوبەر هێزەکانی حەشدی شەعبی و سوپای عیراق پەلاماری کەرکوک و ناوچە ناکۆکی لەسەرەکانیاندا و بەبەرچاوی هێزەکانی ئەمریکا و هاوپەیمانان و بگرە بەهەڵکردنی گڵۆپی سەوزی ئەوان لەدوای ئەنجامدانی ڕیفراندۆم ، جارێکی تر کەرکوک و ئەوناوچانەیان لەدەستی کورد دەرهێنا.
لەدوای ئەو ڕوداوە نەخوازراوە هەتا ئێستاش لەئەدەبیاتی پارتی دیموکراتی کوردستان و هاوئاوازەکانی 16 ی ئۆکتۆبەر کرایە ڕۆژی خیانەتی نیشتمانی و ڕۆژی ڕەش. بەئێستاشەوە هەندێک لەزوڕنا ژەنەکانیان، داوای دادگایکردنی ئەوانە دەکەن کەبونەتە هۆکاری 16 ی ئۆکتۆبەر و هەموو ئەوانەشی کەپێشتر تەحەفوزمان لەسەر کات و ئامادەسازی ڕیفراندۆم هەبوە، لای هەندێک لەپارتیەکان بوینەتە خۆفرۆش و جاشی حەشدی شەعبی. تەنانەت بەشێک لەتوندڕەوەکانیان داوایان دەکرد کەپێویستە کوردستان جێبهێڵین و وەک خائینی نەتەوەیی شار بەدەر بکرێین.

٭ لەوەگەڕێ کە بەتێپەڕینی کات دەرکەوت کەقسەکانی ئێمەمانان راست و دروست دەرچون، ریفراندۆمەکە لەوکاتەدا بۆ چ مەبەستێک کرا و چ کارەساتێکی لێکەوتەوە.

٭ لەوەگەڕێ کە چون کراینە خائین و بەتائێستاشەوە چۆن قسەی ناشرین و پیسزمانیان تێبەرداین؟

٭ لەوەگەڕێ کەئێستا ئەوانەی عەقڵی مودەبری ڕیفراندۆم بون، چۆن بونەتە واجهەی دەوڵەتی عیراقی داگیرکەر و پۆستی وەزارەتی دەرەوەی حکومەتی عیراق بەڕێوەدەبەن!
ئیتر بەخاتری یەکڕیزی کوردەو دەبێ لە زۆر شتی تر بگەڕێیت و بڵێی (عفی اللە عما سلف) 

بەڵام دیداری ئەمڕۆی بارزانی باوک و بارزانی کور، لەگەڵ فالح فەیازی سەرۆکی دەستەی باڵای حەشدی شەعبی لەهەولێر شتێکی دیکەیە و پرسیار هەڵدەگرێ؟ بەوەی:

1-ئەگەر ئێمە خیانەتمان لێکردون و دەستمان خستوەتە ناودەستی حەشدی شەعبیەوە، ئەرێ خێرە خۆتان لەگەڵ سەرۆکی حەشد لەماڵی خۆتان دادەنیشن؟ ئەی ئەمە ئەوە نیەکەپێی دەڵێن بانێکەو دوو هەوا ؟!

2-ئەی سێ ساڵە بۆچی سەدان ماڵ و خێزانی ئەندامانی خۆتان لەکەرکوک ئاوارەی هەولێر کردوە ودەڵێن حەشدی داگیرکەر دەستی بەسەر بارەگا و خانوەکانمان گرتوە؟ ئەرێ بەڕاست تۆ بڵێی حەشدی کەرکوک جیاواز بێت لە حەشدەکەی بەغداد ؟ کەئەمڕۆ فەرشە سورەکەتان بۆ سەرۆکی حەشد داخستوە.

3-ئەگەر لەگەڵ سەرۆکی حەشد دادەنیشن، بۆچی ئەندامەکانتان لەئەنجومەنی پاریزگای کەرکوک نەناردەوە بۆ کەرکوک و هەڵبژاردنی کوردێک بەپارێزگاری کەرکوک؟ ئەرێ تۆ بڵێی کوردێکی یەکێتی خراپتر بێت لەعەرەبێکی عەقڵ شۆڤینی کەبەقسەی ڕۆژانەی میدیاکانتان ، هەموو ساتێک غەدرێک و هەنگاوێکی دژ  بەهاوڵاتیانی کوردی کەرکوک لەو شارە دەنێت؟!

4-خۆ ئەگەر وەڵامی ئەمانە هیچمان نەزانی، ئەوە دوا پرسیار ئەوەیە، تۆ بڵێی لەیادی 16 ی ئۆکتۆبەرو لەهەولێرەوە، سەرۆکی حەشدی شەعبی تان بۆ ئەوە نەدیبێ کە خیانەتکارانی 16 ی ئۆکتۆبەر بدەنە دادگا؟؟!!
‌‌ زیاتر ...
چاوەڕوان محمود
پارێزه‌ر نسار مسته‌فا
پارێزه‌ر نسار مسته‌فا
بێستون سابوراوایی
بورهان شێخ ڕه‌ئوف
زۆرترین خوێندراو
  • 24 کاتژمێر
  • هەفتە
  • مانگ