بیروڕا
گەشتیاری بەعەقڵیەتی عەشایەری یان دەوڵەتداری؟!
بێستون سابوراوایی

کوردستانی گەورە ژینگەیەکی لەباری هەیە بۆ هەموو جۆرەکانی وەبەرهێنانی گەشتیاری. باشوری کوردستانیش سامپڵێکی دەوڵەمەندە بۆ  ئەو پرۆسەیە..
** دەستەی گەشتوگوزاری هەرێم بەرپرسیارە لە دانانی پلانی کورتمەودا و دوورمەودا بۆ گەشەپێدانی بواری گەشتیاری.. هەر بۆیەش دەبێت ئەو دەزگایە بە عەقڵیەتی دەوڵەتداری بیر لەو پرۆسەیە بکاتەوە و دوورکەوێتەوە لە کاریگەریەکانی عەقڵیەتی عەشایەری و زاڵبوونخوازی..
** دەستەی گەشتوگوزار دەبێت سێرچێکی نوێ بۆ هەموو جومگە گەشتیاریەکان بکات و بۆ ئەو مەبەستەش دەبێت هەموو بەربەستە ڕزیوەکان تێپەڕێنێت و ئەو جومگانەی کەمترین  وێچوون بۆ ئەو مەبەستە دەگرنە خۆیان بخاتە ئەجندای کارەکانیەوە..
** لە دنیادا و بگرە لە دەوڵەتە موسولماننشینەکانی دوور و ئەوانی دەوروبەریشماندا سڵیان لە هیچ فیگەرێکی گونجاو بۆ ئەو مەبەستە نەکردووەتەوە و هەرچی دەکرێت و لانی کەمی ڕێژەی هەبوونی تیابووبێت بۆ ئەو مەبەستە داخلی ئەو بوارەیان کردووە ، بەو جومگانەشەوە کە لە هەندێ باوەڕی کۆمەڵگادا حەرام و تابوو بووە.. ئیتر بۆچی لەو بوارەشدا وەکو دەوڵەتدار بیر نەکەینەوە؟!..
ئەگەر بە عەقڵیەتی دەوڵەتداری بیر بکەینەوە دەبێت کراوەتر لەوەی هەین یان بە بەهانەی باوەڕی سۆسیالدیموکراسی وشک چاو لە واقیعی پێویستیەکانی ژیان بپۆشین  و بۆ هەندێ بابەت بێلێکدانەوەی دروستی نوێگەرییانە و بگرە  و  بێ ئەوەی هەست بەخۆمان بکەین زۆر کۆنەپەرستانەش بڕیار بدەین و بۆ هەندێ بابەتی تریش (کە زیان بەپەزەکان دەگەیەنێت) بە دیزەبەدەرخۆنەکردن ڕازی بین و وشەیەک نەدرکێنین..
** لە عەقڵیەتی دەوڵەتداریدا هەموو بڕیارێکی ڕەسمی کە لە بەرژەوەندی ئابوری یان ئەمنی یان سەروەریپارێزی نەتەوەییدابێت ، بۆ دەوڵەت ڕەوایە و   جێگای ڕەخنەگرتن نیە..
هەر بۆیەش لە بواری گەشتوگوزاردا کارکردن لەسەر هاندانی وەبەرهێنان  لە هەموو بابەتێکدا کە لانی کەمی گونجانی تیادابێت بۆ ئەوەی بکرێتە بابەتی گەشتیاری و بەشداری بکات لە بوژاندنەوەی باری ئابوری و خولقاندنی هەلی کاری نوێ یان بزاوتنی زیاتری بازاڕ     و بگرە هەوڵدان بۆ خوڵقاندنی بابەتی نوێی گەشتیاری ئەرکی دامودەزگاکانی سەرپەرشتیکردنی ئەو بوارەیە لە وڵاتدا .. هەر جۆرە ڕەخنەگرتنێکی دژکارانەش لە شێوازی ئەنجامدانی ئەو پرۆسەیە دەچێتە خانەی خۆبەستنەوە بە بیرکردنەوەی نائابوریانە و باوەڕنەبوون بە گۆڕانکاری !!..
‌‌ زیاتر ...
ئازاد ئیبراهیم ئەحمەد
بورهان شێخ ڕه‌ئوف
سه‌رتیپ جه‌وهه‌ر‌
بورهان شێخ ڕه‌ئوف
زۆرترین خوێندراو
  • 24 کاتژمێر
  • هەفتە
  • مانگ