بیروڕا
لاهور شێخ جەنگی ،ئومێدی یەكێتییەكان ..
محمد عباس جوهر

كۆنگرەی چوارەمی یەكێتی نیشمان كوردستان ئەنجامدرا، تەواوی پرۆسەكە تا ئاستێكی باش سەركەوتوو بوو. بەستنی كۆنگرە لەم هەلوومەرجە كە لە ناوچەكەدا ئەگوزەرێت لە خۆیا سەركەوتنێكی گەورە بوو، وە وەڵامێك بوو بۆ نەیارانی یەكێتی..

سەرەنجامی هەڵبژاردنی ئەنجومەنی گشتی سەركردایەتی، دەركەوت كە بە دڵنیاییەوە ئەم ئەنجامە دوا بڕیاری ئەندامانی كۆنگرەیە.. 

بۆیە جێی خۆیەتی كە سوپاسی تەواوی ئەندامانی كۆنگرە بكەین، كە بە گیانێكی هەڤاڵانە هەموویان خەمی سەركەوتنی پرۆسەكەیان بوو، وە ئەو هەڤاڵانەش سەركەوتن پیرۆزیان بێت، ئەوانەش چانس یاوەریان نەبوو هیوادارین لە سەر هەمان ڕێچكەی پێشوویان درێژە بە خەبات بدەن بە خۆیانا بچنەوە ئەگەر لە شوێنێكا كەمتەرخەمیەكان هەبووە چاكی بكەن و خۆیان بۆ كۆنگرەی داهاتوو ئامادە بكەن...

لەمەودوا گرنگە كەچی ئەكەن؟؟؟

لایەنگرانی یەكێتی نیشتمانی كوردستان ئومێدێكی زۆریان بە ( لاهور شێخ جەنگی، و تەواوی ئەنجومەنی سەركردایەتیە)ی ئێستایە. 

بۆیە ئەگەر بە وەفا بن، بۆ ڕێبازی مام جەلال و شەهیدانی ڕێگای ڕزگاری كوردستان و كەسوكاری شەهیدان ، دڵنیابن ئەركتان قورسە ،لەم قۆناغە هەستیار و پڕ لە روداوە چارەنوسسازەدا، چونكە تەواوی یەكێتییەكان چاوەری ئێوە دەكەن، كە چی ئەكەن! 

هیوادارین هەڵەكان چاك بكەنەوە، دژایەتی گەندەڵكاران بكەن چ لە ناو حیزب چ لە حوكمەت ، خەمی كەسوكاری شەهیدان هەڵگرن چیتر با وەكو پێشووتر نەبێت، سەرو بنی هەموو وتارێكتان كەسوكاری شەهیدان بوو بەڵام كەمترین كردارمان بینی، ئاگاتان لە ئۆرگانەكانی خوارەو بێت ،خزمەتی كادران بكەن ،خەمی یەكێیی ناو یەكێتیتان بێت، پاسەوان و قافیڵەی سەیارەكانتان كەم بكەنەوە ، وەرنەوە ناو كۆمەڵگاو ڕاستەوخۆ خۆتان موعانات و كێشەی ناو خەڵك بزانن، متمانەی ڕای گشتی بۆ یەكێتی بگێڕنەوە....

كۆنگرە لە هەموومان پیرۆز، بە ئومێدی زیاتر 
سەركەوتنی یەكێتیەكەمان زیاتر خزمەتكردنی كۆمەڵانی خەڵكی كوردستان.


‌‌ زیاتر ...
پارێزه‌ر نسار مسته‌فا
نه‌سرین كورده‌
پارێزه‌ر نسار مسته‌فا
نه‌سرین كورده‌
نه‌سرین كورده‌
زۆرترین خوێندراو
  • 24 کاتژمێر
  • هەفتە
  • مانگ