دۆسیە
14_2 ڕۆژی جیهانی خۆشه‌ویستیه
 ئاراسته‌:عه‌بدول نه‌جم


14/2 (ڤالانتاین) ڕۆژی جیهانی خۆشه‌ویستیه،‌ئه‌و ڕۆژه‌یه‌ كه‌ به‌گشتی وله‌ هه‌موو ته‌مه‌نه‌كان و به‌ هه‌ردوو ڕه‌گه‌زه‌وه‌ گوڵی سور ده‌كه‌ن دیاری و پێشكه‌شی ئازیزانیان ده‌كه‌ن.ئایا له‌ كوردستاندا چۆن له‌م ڕۆژه‌ ده‌ڕوانرێت.یاخود به‌رامبه‌ر به‌ ڕۆژی 14/2 چی ده‌وترێت.ئاڕاسته‌ بۆچونی شاعیره‌ لاوه‌كانی وه‌رگرتوه‌و هه‌ریه‌كه‌یان به‌ جۆرێك له‌سه‌ر ئه‌م ڕۆژه‌ ده‌دوێن


لە14/2 داهەموان خۆیان سەغلەت ئەکەن  

ئارەزووعبدالخالق كچه‌ شاعیروله‌ هه‌مان كاتیشدا مامۆستا ی بنه‌ڕه‌تیه‌ له‌م ڕۆژه‌دا بۆئاڕاسته‌ ووتی: لەوڵاتی پڕقەیران و پڕ ئەزمەی سوتەمەنی و موچەو کارەبادا، لەوڵاتیک دا  مرۆڤەکان ڕۆژانە بەهەزارەها جۆر ماسک ئەسوڕێنەوەو ژیان ئەگوزەرینن،له‌لایه‌كی تریشه‌وه‌ لەچواردەی دوودا هەموان خۆیان سەغلەت ئەکەن  گوایە بەرامبەرەکەیان خوش ئەوێت.


له‌ پانزەی دوو بەدواوە قسەی ڕەق و توڕەیی ئەکات بەدیاری 
ئارەزووعبدالخالق ده‌شڵێت :بەڵێ ،ئەگەر هاوسەرانن ئەگەر خۆشەویستانن.ئەگەر دەسگیراندارەکانن...ڕۆژەکانی تەمەن زۆرن ئەگەر ئیوە بەڕاستگۆیی یەکترتان خوش بویت،با هەمووی کۆنەکەینەوە  ولەڕۆژیکی تەقلیدی مەسیحدا،با ئیمە کلتورو ئادابی کوردەواری خۆمان لەدەست نەدەین.با هەمیشە بەتازەگەری و داهینان بەردەوام بین.
ئاڕه‌زوو ده‌ڵێت،کاکم گوڵی سور ئەکڕێت گوایە خۆشەویستەکەی خۆش ئەوێت کە بوو له‌ پانزەی دوو بەدواوە قسەی ڕەق و توڕەیی ئەکات بەدیاری. نانا ئازیزەکانم، بەسە ،بائیدی ئیمە ڕووحی سور بکەین بەدیاری،لەهەموو کات و سات و تەمەن و بەروارێکدا، با ئیدی عیشق لەناخمان بڕوینین بۆ خاک و بۆ وڵات .با بەهەموان بەڕووحیکی جوانەوە هەوڵ بدەین بۆ چاککردنی(مووچە تایین، کارەبا تایین، نەوت تایین)نه‌ك ڤالانتاین 

14/2 گرنگه‌ بۆ تازه كردنه وه ی په‌ یمان  و وه فاداریی
شاعیر هاشم چه مخارا له‌ 14/2 ده‌لێت: به لای منه وه خۆشه ویستی شتێكه ئه چێته ناخی مرۆفێكه وه وه‌ ده سه لأتی ئه و مرۆفه شی تیدا نییه به ڵكو ئیراده ی به رزی خودی كه سه كه‌ ی له سه ره وه ك چۆن هه ر شتێكی تر یاد ئه‌كرێته وه بۆ تازه كردنه وه .وه‌ ئه‌م  ڕۆژه ش گرنگه بۆ تازه كردنه وه ی په‌ یمان  و وه فاداریی.

چه مخارا ده‌شڵێت، ئه‌شق ئه‌و ناوه‌ جوانه‌یه‌ هه‌رگیز هیچ كه‌س ناتوانێ بۆ ماوه‌یه‌كی دیاری كراویش بێت له‌كه‌داری بكات ، ئه‌شق هه‌م خۆشه‌ویستییه‌كی موتڵه‌ق و بێسنووره‌ و هه‌م پاكییه‌كی بێ وێنه‌ و ئه‌وپه‌ری سنوورشكان و هه‌م شێتی و فه‌نابون له‌ رۆح و جه‌ سته‌دایه‌ ئه‌شق له‌ گشت بونه‌ وه‌ رێكی ئاده‌میا وجوودی هه‌ یه‌ هه‌ر كه‌سی له‌ روانگه‌ ی خۆیه‌ وه‌ پێناسه‌ی بۆ دیاری ئه‌كات ئه‌شق هێمایه‌كه‌ بۆ سونبوڵی تادووربی له‌دلما زیاتر خۆشه‌ویست و جێگات مسۆگه‌ره‌  .

چه مخارا له‌ ڕۆژی عاشقاندا هۆنراوه‌یه‌كیشی پێشكه‌ش كرد

ئه مڕۆ ڕۆژی عوشاقییه
گولی سورم بۆ هێناوی
تۆ تریفه ی مانگه شه وی 
شنه ی  ، ساماڵی  ، هه تاوی
تۆ ناسكی وه ك نێرگزی 
ئه تۆ به وری 
تۆ بارانی ، تۆ وه ك ئاوی
تۆ له عیشق پیرۆزتری 
ماچی لێوی
شه یدایه كی به جئ ماوی .




ئاسان نیە بەچەند وشەیەک باس لەخۆشەویستی و ڤالانتاین  بکەین

ته‌نیائاواره‌ ی كچه‌ شاعیری لاو له‌م ڕۆژه‌دا ده‌ڵێت: ئاسان نیە بەچەند وشەیەک باس لەخۆشەویستی بکەین هەموان خاوەنی هەست و سۆزی تایبەت بەخۆمانین، بۆ ڕۆژی ڤالانتاینیش من دەڵێم با ئەم رۆژە بکرێتە ڕۆژی ئاشتەوایی دڵەکان و پەیماندانی خۆش ویستنی یەکتر.

پەیامی قەشە ڤالانتاین ئەوەبوە دڵەکان بەیەک بگەن
ئاواره‌ی شاعیر ده‌شڵێت: ئەو کەسانەی تائیستا نەیان توانیوە خۆشەویستی خۆیان بۆبەرامبەر دەرببڕن  لەم ڕۆژەدا بە گولێکی سور یان سێوێکی بەمێخەک ڕێژ وەفاو خۆشەویستیان دەرببڕن. چونکە پەیامی قەشە ڤالانتاین هەر ئەوەبوە دڵەکان بەیەک بگەن و یەکتریان خۆشبوێت ، ئێمەش ئەم ڕۆژە بکەینە خۆشویستنی خاک و وڵات و مرۆڤایەتی .





جوانترین ڕوژ له سالدا ڕوژی ڤالانتاینه

شنۆمحه‌مه‌د زاخۆیشاعیریش ده‌ڵێت: با ڤالانتاین نه‌ که ین به به هانه ،مرۆڤ ئه گه ر ناخیان پڕ بێت له خۆشه ویستی و عه شق هه مو ڕوژێک ڤالانتاینه .جوانترین ڕوژ له سالدا ڕوژی فالانتاینه چونکه هه ست به خۆشی ده که ین و له و ڕوژه دا ده ر ئه که وێت که گولی سوور و هه نار و سێوی سوور ده کرێت به دیاری و وه ریئه گریت.

عه شق و خۆشه ویستی قانونێکه که به ربه ستی تێدا نییه

شنۆ ده‌لێت:عه شق و خۆشه ویستی قانونێکه که به ربه ستی تێدا نییه و کاتێک دێیته هوش ده بینیت عاشق بوه که واته با هه موان عاشق بین و هه مو ڕوژمان فالانتاین بێت، ناخمان پر بکه ین له گولی سوور چونکه هه ر ئه و عه شقه یه مه جبوری ژیانی جوانت ده کات و چژی ڕاسته قینه ت پی ده به‌خشێت ...عه شق بکه ین به به هانه ی روژانه ی ژیانمان ..هه مو ڕوژێک بکه ین به فالانتاین و گولی سوور و هه نار و سێوی سوور بکه ین به دیاری.
ئاڕاسته‌ له‌ كۆتایدا جوانترین گوڵی سوری شاخ و ئاوی كوردستان پێش كه‌ش به‌ سه‌رجه‌م عاشقان و خۆشه‌ویستان وئازیزان ده‌كات.




ڕاپۆرت‌: عه‌بدول نه‌جم

955 جار خوێندراوه‌ته‌وه‌
2/13/2018 4:22:14 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ