هونەر
یەکەمین کلیپی هونەری گروپی میوزیکی نامرێ بڵاو کرایەوە
 ئاڕاسته‌:به‌شى هه‌واڵ
گروپی هونەری میوزیکی نامرێ ی شاری قەلادزێ بەرھەمێکی نوێ ی کلیپ کراویان بەناوی ( سورە گوڵەکە )  بە بۆنەی ساڵی نوێی زانینیەوە بڵاو کردەوە.
 

 خدر محەمەد دەرھێنەری ڤیدیۆ کلیپی ( سورە گوڵەکە ) ی ئەم گروپە هونەریەی قەڵادزێ  بە ئاڕاستەی ڕاگەیاند "  دوای ماوەیەک لە کارکردن و بەرهەم هێنانی ئەم گۆرانیە  پێک ھاتووە لە گەشتێک بەناو گۆرانیە ڕەسەنەکان توانیمان کلیپێکی جوان  بە شایستەی ئەوبەرهەمە بەرھەم بهێنین کە لەگەڵ ڕووحیەتی میوزیک و گۆرانیەکە بێتەوەکە گروپی میوزیکی نامرێ کاریان بۆ کردبوو " .

ناوبراو وتیشی " ئەم بەرهەمە  گەشتێک بوو بەناو سێ گۆرانی فۆلکلۆری کوردی کە لەلایەن  ھونەرمەندی دەنگ خۆش ( خالید مەحمود ) وتراوە ، وە
کاری میوزیکی لەلایەن خالید بابەکر بۆ ئەنجام دراوە هەروەها  لە ستۆدیۆی میوزیکی قەلادزێ کاری تۆمارکردنی دەنگی بۆ کراوە هاوکات  محەمەد ئاکرەیی میکس و ماسترینگی بۆ ئەم کارە کردوە ، وە کاری وێنە گرتن لەلایەن سەرکەوت محەمەد کراوە،  وە ستار رەوف مونتاژی ئەم گۆرانیەی کردوە
بەسوپاسیشەوە بەشی ھونەری تەلەفزیۆنی خاک هاوکارمان بوون لە کلیپ‌کردنی ئەم بەرهەمە   ".

ئەو دەرهێنەرە وتیشی " 
تێچووی بەرھەمەکە لەلایەن پێشمەرگەی دێرین (شێرکۆی شێخ نوری ) وە بووە ، لۆکەیشنی بەرهەم هێنای کلیپەکە لە گوندی ئەشکەنەی سەر بە قەزای پشدەر  ( قەڵادزێ ) بووە "
232 جار خوێندراوه‌ته‌وه‌
1/2/2018 7:23:12 PM
زیاتر ...