کۆمەڵایەتی
هەشت سەیرترین جۆری ناپاكی هاوسەرگیری
ئاڕاسته‌:به‌شى هه‌واڵ

هەر لە زەمانی دێرینەوە كۆمەڵگە نەریتی هاوسەرگیری نێوان پیاوو ژنی لەسەر بنەمای خۆشەویستی و دڵسۆزی متمانەی دوولایەنە پێكهێناوەو ئامانجیش لەم پرۆسەیە دامەزراندنی خێزانێكی بەختەوەرو خۆشگوزەرانی دوورە لە گرفت و ناكۆكی و كێشەی دەروونی، ناپاكی هاوسەرگیری گەورەترین گرفتە كە روبەڕوی خێزانەكان دەبێتەوەو لە زۆرحاڵەتدا دەگاتە لێك جیابوونەوەو هەڵوەشاندانەوەی خێزان، هەندێك ناپاكی خێزانی هەن بە هۆی دەگمەنی و نامۆییانەوە بوونەتە جێی سەرنج، لێرەدا باس لە هەشت سەیرترین جۆری ناپاكی هاوسەرگیری دەكەین. 
(1) كازانۆڤای چین و پەیوەندی بە (17) مێینەوە
یوان دینگ لەدوای رووداوی هاتوچۆ هاوڕێ مێینەكانی كە ژمارەیان (17) كەس دەبوو چوونە سەردانی لە نەخۆشخانە، بەبێ ئەوەی هیچ لەو كچانە بەوە بزانن كە پەیوەندی خۆشەویستی لەگەڵ ئەوانی تردا هەیە، یوان دینگ بەهۆی رووداوی هاتوچۆوە كەوتە نەخۆشخانەو هەرگیز بیری لەوە نەدەكردەوە كە لەبەردەم پزیشكەكانیدا بە حەڤدە ژنەوە ریسوای دەكەن.

(2) سێ ژن لە چاوەڕوانی گەنجێكدا: گەنجێكی بەریتانی لەدوای تەواوكردنی پشووی هەفتانە دەگاتە فڕۆكەخانەی لەندەن و سێ ژنی جوان لە چاوەنواڕیدا دەبن و پێشوازی لێدەكەن، شارلی فیچەری تەمەن (20) ساڵ لە رێگەی ناردنی نامەیەكەوە بە هەڵە خۆشەویستەكەی لێی دەكەوێتە گومان و دواتر كەسی دووەم دەدۆزێتەوە كە هەمان بەڵینی پێداوە، ئینجا بە هەردووكیانەوە لەرێگەی فەیسبووكەوە خۆشەویستی سێیەمیش دەدۆزنەوەو لە فڕۆكەخانەكە بەشاتەشات و جنێو پۆتی دەكەن. 

3- كورتە فیلمێك ناپاكی ئاشكرا دەكات: ژنێكی ئەمریكی لە رێگەی بەرنامەیەكەوە كە بەشداری تێدا دەكات و دواتر ئاهەنگی گواستنەوەكەكانی تێدا بڵاودەكاتەوە، ناپاكی هاوسەرەكەی بۆ دەردەكەوێت، ئەندرۆ ئۆكلی پاساو بۆ ژنەكەی دێنێتەوە كە بە كاری ساختەكاری قەواڵە بازرگانییەكانەوە تێوەگلاوەو پێویستی بە یارمەتییەو خۆی لە بەرنامەیەك ئامادەكردووە بۆیە دەبێت ماوەیەك لەخێزانەكەی دوور بكەوێتەوە، كەچی لەراستیدا دەچێتە لای هاوسەری دووەمی، بەڵام بەهەڵەیەكی بچووك لەسەر فەیسبوك هەموو كارتەكانی ئاشكرا دەبن و لە دوو ژن بە تەنیایی دەمێنێتەوە. 

(4) دایك و كچێك پەیوەندی بە هەمان پیاوەوە دەكەن: ماڵپەری یەكترناسینەوە لەسەر ئەنتەرنێت لە هەرێمی ئەنۆیی چینی دەبێتە هۆی بەرپابوونی شەڕێكی دەستەوئێخەی دوو ژن لە ئارایشتگای جوانكاری و دواتر پۆلیس دەیانباتە بنكەو لە لێكۆڵینەوەدا دەردەكەوێت كە كچەو دایكە لە رێگەی ئەنترنێتەوە پەیوەندییان بە هەمان پیاوەوە هەیە. 

(5) ژنێك هاوسەرگیری لەگەڵ (10) پیاودا دەكات: ژنێك لە بەردەم دادوەر لە دادگای برۆنێكس لە ویلایەتی نیویۆرك بە تۆمەتی فریودانی دە پیاو لەیەك كاتدا رادەگیرێت، لیانل پارینتۆس تەمەن(39) ساڵ لەیەك كاتدا هاوسەرگیری لەگەڵ دە پیاودا دەكات بەبێ ئەوەی كەسیان بەوی تر بزانن كە شەشیان بەیەك ساڵ هاوسەرگیری لەگەڵ كردوون و رەگەزیان جیاوازەو هەر یەكە سەر بە دەوڵەتێكن، ژنە دان بەوەدا دەنێت كە ئام هاوسەرگیریە بۆ ئەوە بووە تا رەگەزنامەی ئەمیركییان پێ بدرێت. 

(6) ژنێك هەموو ئامێرەكانی هاوسەرەكەی دەخاتە بانیۆی حەمامەوە: دۆریس كیم ناوی ئەوژنە دڵپیسەیە كە لەدوای ئاشكرابوونی ناپاكی هاوسەرەكەی و پەیوەندیكردنی بە ژنێكی ترەوە، هەموو ئامێرە ئەلیكترۆنیەكانی پەیوەندیكردنی كۆدەكاتەوە، كە بریتی بوونە لە ئایپادێك و دوو ئایفۆن و لاپتۆپێك و وردەواڵەی تری گەیاندن؛ فڕێیان دەداتە ناو بانیۆی پڕ لە ئاوی گەرمی حەمامەوە، بۆئەوەی ببڕای ببڕ چاك نەبنەوە. 

(7) دوو ژن پێشوازی لە كرێكارێكی كانەكان دەكەن: یۆنی پاریۆسی تەمەن (50) ساڵە یەكێك لە ئازاترینی تونێلە كانزاییەكان بەهۆی داڕمانەوە دەكەوێتە ژێر داروپەردووی كانەكەو دوای دۆزینەوەی بۆ ماوەی (69) رۆژ تا كاتی چاكبوونەوە، دەمێنێتەوەو دواتر كە دەگاتە فڕۆكەخانە خێزانەكەی و خۆشەویستەكەی پێكەوە پێشوازی لێدەكەن، ئەویش چونكە خێزانەكەی لەو ماوەیەدا هیچ هەواڵێكی نەپرسیوە، ئەویش سوزانای خۆشەویستە نوێكەی هەڵدەبژێرێت و هەر لە فڕۆكەخانەوە كێشەكە یەكلایی دەكاتەوە. 

(8) گوگل ستریت ناپاكییەك ئاشكرا دەكات: گەڕان بەدوای كۆمەڵە نەخشەیەكدا كە لە راستیدا نەخشەی گوگل نەبوون بەڵكو نەخشەی یاندێكسی هاوچاپی هەمان نەخشەی گوگڵن كە ژنە ئەندازیارێك بەمەبەستی لێكۆڵینەوە كاریان لەسەر دەكات، بەڵام لە ناكاو چاوی بە وێنەی هاوسەرەكەی دەكەوێت كە لەگەڵ ژنێكی تر پێكەوە لە كەشوهەوایەكی رۆمانسی و چێژئامێز گرتوویانە، لە كاتی روبەڕوبونەوەشی لەگەڵ هاوسەرەكەی.. نەیشاردەوە كە پەیوەندی سۆزداری لەگەڵ ئەو ژنە هاوڕێیەی هەیە.
9553 جار خوێندراوه‌ته‌وه‌
12/9/2017 1:19:14 PM
زیاتر ...