وەرزش
خەڵاتی ڕێزلێنان بەخشرایە دوو کچە وەرزشەوانی قەزای ڕانیە.
ئاڕاستە : هەردی حەسەن


لە پای بەدەست هێنانی پلەی یەکەم و دووەم لە یاری پێنج پرێس لە سەر ئاستی پارێزگای سلێمانی و هەڵەبجە هەردوو کچە وەرزشەوانی قەزای ڕانیە لەلایەن بەرپرسانی ئیدارەی ڕاپەڕینەوە خەڵاتی ڕێزلێنانیان پێ بەخشرا.

سەباح سەلاح نوێنەری ڕاپەڕینی لێژنەی ئۆڵمپی کوردستان بە ئاڕاستەی ڕاگەیاند " ئەم دوو کچە وەرزشەوانەی حاجیاوا و ڕانیە بەشداری پاڵەوانیەتی یاری پێنج پرێسیان کرد کە هێزی لەشی سلێمانی 2 کانونی یەکەم ئەم پاڵەوانەتیەی کردبۆوە لە سەر ئاستی هەردوو پارێزگای سلێمانی و هەڵەبجە کە خۆش بەختانە ئەم دووکچە وەرزشەوانەی یاری لەش جوانی بۆ یاری پێنج پرێس توانیان پلەی یەکەم و دووەم لەو پاڵەوانیەتە بەدەست بهێنن".

ناوبراو وتیشی " ئێمەو بەم هۆیەوە بە ئامادەبوونی ژمارەیەک بەرپرس لە ئیدارەی ڕاپەڕین خەڵاتی ڕێزلێنانمان پێ بەخشین ڕێزمان لەم دوو وەرزشەوانەی قەزای ڕانیە گرت ".
 هەریەکە لە بیریڤان محمد لە ناحیەی حاجیاوای سەربەقەزای ڕانیە و دڵخۆش عبدوڵا لە ڕانیە توانیان لەپاڵەوانێتی پێنج پرێس کە  بۆخانمان لەشاری سلێمانی سازکرا توانیان پلەی یەکەم  و دووەم بەدەست بهێنن .

292 جار خوێندراوه‌ته‌وه‌
12/6/2017 10:09:34 PM
زیاتر ...