ترافیک
به‌ هۆی ڕوداوی هاتوچۆوه‌ حه‌وت كه‌س برینداربوون
ئاڕاسته‌:به‌شی هه‌واڵ
بەڕێوبەرایەتی هاتوچۆی سلێمانی ئاماری ڕوداوەكانی هاتوچۆی لەسنوری پارێزگای سلێمانی لە 24كاتژمێری ڕابردوودا ڕاگەیاند:
بەڕێوبەرایەتی هاتوچۆی سلێمانی ئاماژەی بەوەكردوه‌: لەماوەی 24كاتژمێری ڕابردوودا حەوت ڕوداوی هاتوچۆ ڕویانداوە و بەو هۆیەوە حەوت كەس بریندار بوون.
جۆروشوێنی ڕوداوەكانی هاتوچۆ:
لەناو شاری سلێمانی لەگەڕەكی مەجیدبەگ دوو ئۆتۆمبێل بەیەكیاندا داوە، بەڵام زیانی گیانی نەبوە.
لەناحیەی تەیناڵی سەر بەناحیەی بازیان دوو ئۆتۆمبێل بەیەكیانداداوە، لەئەنجامدا چوار سەرنشین بریندار بون، هەر لەنزیك تەیناڵ‌و بەهۆی تیژڕەوییەوە ئۆتۆمبیلێك وەرگەڕاوە، جگە لەزیانی مادی، زیانی گیانی بەدواوە نەبوە.
لەنزیك گوندی موغاغی سەر بەناحیەی پیرەمەگرون، ئۆتۆمبیلێك وەرگەڕاوەو بەوهۆیەشەوە هاوڵاتیەك برینداربوە.
لەنزیك شارۆچكەی سەیدسادق ئۆتۆمبێلێك بەهۆی تەقینی تایەوە وەرگەڕاوە‌و لەئەنجامدا دوو سەرنشین برینداربون.
لەناو قەزای دوكانیش ئۆتۆمبێلێكی بارهەڵگر خۆی كێشاوە بەستونێكی كارەبادا، بەوهۆیەشەوە ستونەكە بەتەواوی تێكشكاوە‌و تەنها زیانی مادیش بەر ئۆتۆمبێلەكە كەوتوە
301 جار خوێندراوه‌ته‌وه‌
9/19/2017 12:51:29 PM
زیاتر ...