هەواڵ
2 کەس ده‌ستگیركرا کە 26 کیلۆگرام مادەی هۆشبەریان پێبوو
ئاڕاستە : هەردی حەسەن

لە کۆنگرەیەکی ڕۆژنامەوانی دا کە بۆ دەزگاکانی ڕاگەیاندنی سازکردبوو بەڕێوبەرایەتی ئاسایشی ڕاپەڕین ئاشکرای کرد کەهێزەکانی ئاسایش  2 کەسیان دەستگیر کردووە کە  بڕی 26 کیلۆگرام مادەی هۆشبەریان پێ بووە.
پێش نیوەڕۆی ئەمڕۆ یەک شەممە 13 ئابی 2017 محمەد فازڵ وتەبێژی بەڕێوبەرایەتی ئاسایشی ڕاپەڕین ڕای گەیاند " لە درێژەی هەوڵ و چالاکیە بەردەوامەکانی هێزەکانمان لە پێناو پاراستنی سەر و ماڵی هاوڵاتیان هێزەکانی یاریدەریەتی ئاسایشی ناحیەی حاجیاوای سەر  بەڕێوبەرایەتی ئاسایشی ڕاپەڕین دوای کۆکردنەوەی زانیاری توانیان لە شارۆچکەی حاجیاوای سەر بەقەزای ڕانیە 2 کەس دەستگیر بکەن کە ئەو 2 کەسە بڕی 26 کیلۆگرام مادەی هۆشبەریان پێبووە کە ئەو بڕە زۆرە یەکەمین جارە لەو سنورەدا دەست بەسەر بکەین" .
ناوبراو وتیشی " دوای ئەوەی هێزەکانی ئاسایشی پشدەری سەر بەبەڕێوبەرایەتیمان زانیان لەسەر ئەو بڕە مادە هۆشبەر هەبوو ، دوای ئاڵوگۆڕی زانیاری هێزەکانی یاریدەری ئاسایشی حاجیاوا بەبڕیاری دادوەری توانیان ئەو 2 کەسە بەو بڕە زۆرە لە مادە بە پێی مادەی ( 14 ) هۆشبەر دەستگیر بکەن پەڕاوی لێکۆڵینەوەیان بۆ کراوەتەوە لە ئێستادا لێکۆڵینەوە بەردەوامە" .

381 جار خوێندراوه‌ته‌وه‌
8/13/2017 10:55:04 AM
زیاتر ...