وەرزش
لیڤەرپوڵ شەڕی نازناو دەکات
 نه‌ورۆز شێخ زیره‌ك

 یانەی لیڤەرپوڵ هیوای بەدەستهێنانی نازناوی خولی پیمەر لیگی بۆدەگەڕێتەوە.      

  لەمیانەی یاریەکانی هەفتەی (٣٧)و پێش کۆتایی خولی ئینگلیزیدا یانەی ساوسهامبتۆن میوانداری یانەی لیڤەرپوڵی کرد،هەرچەندە یانەی خاوەن یاریگا دەستپێشخەری کردو توانی لەخولەکی ۱۳ دا ولەڕێگای یاریزان ناتان ڕیدمۆندەوە گۆڵی یەکەم تۆماربکات ،بەڵام کەتیبەکەی یۆرگن کڵۆپ توانی ڕیمۆنتادا بکات و بەتۆمارکردنی دوو گۆڵ وەڵامی یانەی ساوسهامبتۆن بداتەوە.

گۆڵەکانی لیڤەرپوڵ هەریکە لەیاریزانان تاکۆمی مینامینۆو گوێل ماتیپ لەخولەکەکانی ۲۷ و ٦۷ دا تۆماریان کردن...‌                         

  بەو بردنەوەیە یانەی لیڤەرپوڵ کۆی خاڵەکانی گەیاندە ٨۹ خاڵ و بەجیاوازی تەنها یەک خاڵ لەدوای یانەی مانچستەر سیتی خاوەنی پێشەنگی ڕیزبەندیەوە دەبینرێت ،بەو پێیەش یانەی لیڤەرپوڵ بۆبەدەستهێنانی نازناوی ئەم وەرزەی خولی ئینگلیزی بەهیوایە لەدوایاری خولەکەدا یانەی مان سیتی ڕکابەری دوچاری شکست یان یەکسان بون ببێت .       لەیاری کۆتایدا یانەی مانچستەر سیتی ڕۆژی یەکشەمەی داهاتوو  ۲۲ ی ئەم مانگە میوانداری یانەی ئەستۆن ڤێلا دەکات و یانەی لیڤەرپوڵیش ڕووبەڕووی ۆڵڤەر هامبتۆن ئەبێتەوە.

318 جار خوێندراوه‌ته‌وه‌
5/18/2022 10:47:19 AM
زیاتر ...
زۆرترین خوێندراو