تەندروستی
ئایا لێنانی برنج به‌ پڵاو ده‌بێته‌هۆی نه‌مانی نیشاسته‌كه‌ی؟
 ئاڕاستە:ڤانیا بێستون

ژماره‌یه‌كی به‌رچاو له‌ هاوڵاتیان به‌ تایبه‌ت ئه‌وانه‌ی نه‌خۆشیی شه‌كره‌ و كێشه‌ی قه‌ڵه‌وی و زۆریی كێش و كۆمه‌ڵێك نه‌خۆشی درێژخایه‌نی دیكه‌یان هه‌یه‌، ئه‌و پرسیاره‌یان كردووه‌ كه‌ ئایا لێنانی برنج به‌ پڵاو ده‌بێته‌هۆی نه‌مانی نیشاسته‌كه‌ی؟ و ئه‌گه‌ر به‌ پڵاو لێبنرێت ئه‌وا كێشه‌ی نییه‌ بۆ ئه‌و كه‌سانه‌؟

له‌ ڕووی زانستییه‌وه‌ لێنانی برنج نابێته‌هۆی نه‌مانی نیشاسته‌كه‌ی، به‌ڵام بڕێكی دیاركراو له‌ نیشاسته‌كه‌ی واته‌ كاربۆهێدراته‌كه‌ی ناو برنجه‌كه‌ له‌گه‌ڵ به‌شێك له‌ ڤیتامین و پڕۆتینه‌كه‌ی ده‌ڕوات نه‌وه‌ك هه‌مووی، و به‌شێكی زۆری ده‌مێنته‌وه‌ دوای فڕێدانی ئاوی یه‌كه‌م، ڕوونتر بڵێن بڕێكی كه‌متر له‌ وزه‌ی تێدایه‌ و له‌ شیوازه‌كانی تر باشتره‌ به‌ مه‌رجێك زیاتر له‌ یه‌ك بۆ دوو كه‌وچك زه‌یت یان ڕۆنی نه‌قرچێنرێت به‌ سه‌ریدا و نانه‌كه‌ی ده‌وری نه‌خورێت.

وه‌ك زانراوه‌ برنجی بۆر یان قاوه‌یی و ده‌نك درێژ باشتره‌ له‌ برنجی سپی و ده‌نك خڕ.

ئه‌وه‌ی گرنگه‌ هه‌مووان  بزانین  كه‌ خواردنی قاپێكی بچووك نزیكه‌ی دوانزه‌ كه‌وچكی چێشت برنجی پڵاو له‌گه‌ڵ شله‌ی ساده‌ و زه‌ڵاته‌ و سه‌وزه‌ كاریگه‌ری زۆری نییه‌ له‌سه‌ر به‌رزبوونه‌ی شه‌كری ناو خوێن و زیاد بوونی كێش، ئه‌وه‌ی كه‌ خراپه‌ ئه‌وه‌یه‌ بڕێكی زۆری لێ بخورێت له‌گه‌ڵ بڕێكی زۆر له‌گه‌ڵ گۆشت یان مریشك یان هه‌ر په‌له‌وه‌رێكی دیكه‌.

واته‌ كاتێك ده‌وترێت به‌ پڵاو بخورێت پێویسته‌ زیاده‌ڕه‌وی نه‌كرێت له‌ زۆر خواردنی چونكه‌ به‌شێكی زۆر له‌ نیشاسته‌كه‌ی تێداده‌مێنێت.

 

د. كامه‌ران ڕه‌سوڵ ژاژڵه‌یی

  

 

204 جار خوێندراوه‌ته‌وه‌
5/15/2022 12:03:43 PM
زیاتر ...
زۆرترین خوێندراو