وەرزش
به‌رشه‌لۆنه‌ به‌سه‌ر ریاڵ مه‌دریدا سه‌ركه‌وت
 ئاڕاستە:ڤانیا بێستون

له‌ یارییه‌كانی هه‌فته‌ی 27ی یانه‌كانی ئیسپانیا بۆ تۆپی باسكه‌، یانه‌ی به‌رشه‌لۆنه‌ لاسا له‌ پێگه‌ی خۆی و له‌ یاری كلاسیكۆدا میوانداری یانه‌ی ڕیاڵ مه‌دریدی كرد.

له‌ دووچاره‌كی یه‌كه‌می یارییه‌كه‌دا به‌رشه‌لۆنه‌ی خاوه‌ن یاریگا باشتر ده‌ركه‌وت و توانی به‌ جیاوازی پێنج خاڵ و به‌ 51 خاڵ به‌رامبه‌ر به‌ 46 خاڵ سه‌ركه‌وتن تۆماربكات.

له‌ دوو چاره‌كی دووه‌مدا، یاریزانانی مه‌دریدی میوان توانیان بگه‌ڕێنه‌وه‌ بۆ كه‌شی یارییه‌كه‌ وئه‌نجامه‌كه‌ یه‌كسانبكه‌نه‌وه‌ و یارییه‌كه‌ بگه‌ڕێننه‌وه‌ خاڵی سه‌ره‌تا، دواتر بۆ یه‌كلاكردنه‌وی ئه‌نجامه‌كه‌ هه‌ردوو لا ڕویان له‌ كاتی زیادكراوكرد.

سه‌رئه‌نجام كوڕانی به‌رشه‌لۆنه‌ به‌ 19 خاڵ به‌رامبه‌ر به‌ هه‌شت خاڵ بردنه‌وه‌یان به‌ده‌ستهێناو توانیشیان یارییه‌كه‌ به‌ ئه‌نجامی 108 خاڵ به‌رامبه‌ر به‌ 97 خاڵ ببه‌نه‌وه‌.

132 جار خوێندراوه‌ته‌وه‌
4/11/2022 12:08:43 PM
زیاتر ...
زۆرترین خوێندراو