کۆمەڵایەتی
چۆن له‌ مانگی‌ ڕه‌مه‌زاندا كاته‌كانت ڕێك ده‌خه‌یت ؟
 ئاڕاستە:ڤانیا بێستون

له‌گه‌ڵ هاتنی مانگی ڕه‌مه‌زان، سه‌رجه‌م كار و چالاكیه‌كانی ژیانت گۆڕانكاریان به‌سه‌ردادێت، ڕه‌نگه‌ تووشی خه‌مۆكی و بێزاری و دڵه‌ڕاوكێش ببیت، هه‌ر بۆیه‌ پێویسته‌ كاته‌كانی به‌ڕێوه‌بردنی چالاكیه‌كانت له‌مانگی ڕه‌مه‌زاندا ڕێكبخه‌یت.

*هه‌رگیز تا پارشێو بێ خه‌وتن دامه‌نیشه‌، چونكه‌ زیانی هه‌یه‌ و كارده‌كاته‌ سه‌ر چالاكیه‌كانت و مێشك ماندوو ده‌كات، هه‌وڵبده‌ له‌كاتی خۆیدا بخه‌وه‌ و پارشێو هه‌سته‌ نان بخۆ.

*هه‌وڵبده‌ خواردنه‌كانی ڕۆژوو شكاندن و به‌ربانگ له‌كاتی خۆیدا ئاماده‌ بكه‌، بۆ ئه‌وه‌ی له‌و ماوه‌یه‌دا كاتت به‌ فیڕۆ نه‌چێت .

*ڕه‌نگه‌ به‌لاته‌وه‌ گرنگ نه‌بێت، به‌ڵام زۆر باشه‌ ئه‌گه‌ر هه‌وڵ بده‌یت سه‌رجه‌م زانیاریه‌كان و كاره‌كانت له‌ كاغه‌زێكدا بنوسیت و ڕێكیان بخه‌یت، چونكه‌ ڕه‌نگه‌ به‌هۆی ڕۆژووه‌وه‌ زۆر كارمان له‌بیربچێته‌وه‌.

*ئه‌گه‌ر یه‌كێكی له‌و كه‌سانه‌ی وه‌رزش ده‌كه‌یت، ئه‌وا هه‌وڵبده‌ كاته‌كانی وه‌رزش له‌پێش به‌ربانگ یان چه‌ند كاتژمێرێك دوای به‌ربانگ بێت، باشتره‌  وه‌رزشی سوك ئه‌نجام بده‌یت .

146 جار خوێندراوه‌ته‌وه‌
4/4/2022 12:16:58 PM
زیاتر ...
زۆرترین خوێندراو