زانست
ڤایرۆسێك ژیانى هه‌مووان ده‌خاته‌ مه‌ترسیه‌وه‌
ئاڕاسته‌:چاوان حسام

ڤایرۆسێك ده‌بێته‌ به‌ڵایه‌كى گه‌وره‌ بۆ هه‌موو جیهان و ژیانى چه‌نده‌ها نه‌خۆش ده‌خاته‌ مه‌ترسیه‌وه‌ ئه‌مه‌ش به‌ قێزه‌ونترین كارداده‌نرێت له‌ ساڵى 2017 دا.

سه‌رچاوه‌له‌ هه‌واڵێكى ماڵپه‌ڕى تیك ئاىدا هاتووه‌ ، كه‌ كۆمپانیای ئەڤاست راگەیاندووه‌: ڤایرۆسێك بڵاو بۆته‌وه‌ به‌ناوى "wanacry" كه‌ ڤایرۆسى كۆمپیوته‌ره‌ و چه‌ندین وڵاتى كردۆته‌ ئامانج و به‌ته‌نها له‌ ماوه‌ى 24 كاتژمێردا 75,000 حاڵه‌تى تووشبون هه‌بوه‌ به‌ ڤایرۆسه‌كه‌ .

هه‌ربه‌ پێ ى ڕاپۆرته‌كه‌ى كۆمپانیایى ئاڤاست ئامانجی سەره‌كى ڤایرۆسه‌كه‌ هێرشكردن بووه‌ بۆ سه‌ر وڵاتانى روسیا، ئۆكرانیا، وە تایوان به‌ڵام له‌ ئێستادا له‌ هه‌موو دنیادا بڵاو بۆته‌وه‌ و عێراقیشى گرتۆته‌وه‌ ،  وە ڤایرۆسەكە زیانێكى زۆرى گه‌یاندووه‌ به‌ پەیمانگا و نەخۆشخانەكانی ئینگلتەرا و كۆمپانیاكانی پەیوەندی لە ئیسپانیا وەك Telefonica.
كۆمپانیای Avastئاماژەى به‌وه‌شكردووه‌ :كە یەكەم جار توانرا هەست بەم ڤایرۆسە بكرێ ، مانگی ٢ بوو ، له‌ ئێستادا ڤایرۆسه‌كه‌ ئاماده‌كراوه‌ بۆ ٢٨ زمانی جیاواز ، جێگه‌ى ئاماژه‌یه‌ ڤایرۆسەكە هەلدەستی بە گۆرینی پاشگری فایلەكان بۆ “.WNCRY” 
شایه‌نى باسه‌ ئه‌م ڤایرۆسه‌ بە هاوكاری ئیكسپلۆتێك كە پێی دەترێت Equation Group  بڵاو بۆته‌وه‌، كە ئەوانیش گروپێكن تێوە گلاون لە كارەكانی NSAو بازرگانی پیس ،  وە گروپێكی هاككەر كە پێیان دەوترێت ShadowBrokers  ، كاتێك ڤایرۆسه‌كه‌ ده‌گات به‌ كۆمپیوته‌ره‌كه‌ت داوای $300 دەكات بە هەژماری  BitCoin به‌ڵام ده‌توانیت له‌ ڕێگه‌ى دژه‌ ڤایرۆسكه‌ته‌وه‌ خۆت ڕزگاربكه‌یت له‌م ڤایرۆسه‌.
ئەم هێرشە ئەوەی سەلماندى كە ڤایرۆسی ransomware چەكێكی زۆر بەهێزە كە دەتوانرێت بە كاربهێنرێت لە دژی بەكارهێنەران و بازرگانیش. وە ransomware شێوەیەكی زۆر ناشرینتر وەردەگرێت كاتێك بە كاردەهێنرێت دژی شوێنە هەسیتارەكانی وەك نەخۆشخانەكان، كە دەبێتە هۆی ئەوەی ژیانی خەلك بكەوێتە مەترسیەوە.

1422 جار خوێندراوه‌ته‌وه‌
5/14/2017 11:06:51 AM
زیاتر ...