سلێمانی
پێشانگەی شێوەكاری وەرزی دەكرێتەوه‌
 ئاڕاستە

ئەمڕۆ 10-5-2017 دەزگای گەلەری زاموا پێشانگەی شێوەكاری وەرزی بۆ 47 شێوه‌كاری بە ئەزموونی كورد لە سەر ئاستی هەرێمی كوردستان كردەوە،بەرێوەبەری دەزگاكەش ڕایدەگەیەنێت: مەبەستمان پیشاندانی نمونەی كاری هونەری هونەرمەندانە.

شێوەكار دڵشاد بەهادین بەرێوەبەری گەلەری زاموا بە ئاڕاستەی ڕاگەیاند: وەكو ناوەندەكەمان ساڵانە پێشانگەی شێوەكاری وەرزی بۆ چەند شێوەكارێكی بە ئەزموون لەسەر ئاستی هەرێم كە لە چەند شارێكی جیاوازدان رێك دەخەین،كە لە ساڵكدا 3 جار ئەنجامی ئەدەین.
وتیشی: مەبەستمان پیشاندانی نمونەی كاری هونەری هونەرمەندانە بەو كەسانەی سەردانی ئێرە دەكەن كە میوانانی بیانیشی تێدایە.وە  دروست كردنی بازاڕێكیشە بۆ فرۆشتنی تابلۆكانی هونەرمەندان.
گەلەری زاموا دەزگایەیەكی هونەری رۆشنبیری و پەروەردەییە كە چەندین كاری هونەری جیاوازی لە ساڵی ( 1995 )ەوە تاوەكو ئێستا ئەنجام داوە.

1416 جار خوێندراوه‌ته‌وه‌
5/10/2017 9:56:52 PM
زیاتر ...
زۆرترین خوێندراو
  • 24 کاتژمێر
  • هەفتە
  • مانگ